تاراز تۇرعىنىنان سينتەتيكالىق ەسىرتكىنىڭ ءىرى پارتياسى تاركىلەندى

 جامبىل وبلىستىق پوليتسيا دەپارتامەنتى ەسىرتكى قىلمىسىنا قارسى ءىس- قيمىل باسقارماسى قىزمەتكەرلەرى جەدەل ىزدەستىرۋ ءىس- شارالارىن جۇرگىزۋ بارىسىندا 25 جاستاعى تاراز قالاسىنىڭ تۇرعىنىن ۇستادى.

ءتىنتۋ كەزىندە ونىڭ كۇرتەسىنەن 92 دانا كوك ءتۇستى ورالعان زات تابىلىپ، تاركىلەندى، دەپ حابارلايدى Kazinform.

ساراپتاما قورىتىندىسى بويىنشا تاركىلەنگەن زات جالپى سالماعى 47,86 گرامدى قۇرايتىن «الفا PVP» سينتەتيكالىق ەسىرتكى زاتى ەكەنى انىقتالعان. ايعاقتاردى تەكسەرۋ كەزىندە كۇدىكتى بۇرىن ەسىرتكى ورامدارىن جاسىرعان ورىندارىن كورسەتكەن.

ناتيجەسىندە تاراز قالاسىنىڭ تولە بي كوشەسىنىڭ بويىندا جانە ءۇش شاعىن اۋداننان تاعى دا سالماعى 3,44 گرامم بولاتىن «الفا PVP» سينتەتيكالىق ەسىرتكى زاتىنىڭ 7 ورامى تابىلعان. بارلىق تاركىلەنگەن ەسىرتكىنىڭ سالماعى 51 گرامم 3 ميلليگرامدى قۇراعان.

«اتالعان دەرەككە قاتىستى قىلمىستىق كودەكستىڭ 296-بابىنىڭ 4-بولىگىمەن، ياعني، اسا ءىرى مولشەردە ەسىرتكى قۇرالدارىن زاڭسىز ساقتاۋ بويىنشا سوتقا دەيىنگى تەرگەۋ باستالدى. باپقا سايكەس، 3 جىلدان 7 جىلعا دەيىن باس بوستاندىعىنان ايىرۋ تۇرىندەگى قىلمىستىق جاۋاپكەرشىلىك قاراستىرىلعان. ۇستالعان ازامات كىناسىن مويىندادى. تەرگەۋ امالدارى جالعاسىپ جاتىر»، - دەدى جامبىل وبلىسى پ د ە ق ق ى ب باستىعى پوليتسيا پولكوۆنيگى ءالىم باجىقبايەۆ.

بۇعان دەيىن تارازدىڭ ءتورت تۇرعىنىنان 29 كەلى كەپتىرىلمەگەن ماريحۋانا تاركىلەنگەنىن حابارلاعان بولاتىنبىز.