TARAZ. KAZINFORM - جامبىل وبلىسىندا ەسىرتكى زاتتارىن ساقتادى دەگەن كۇدىكپەن تاراز قالاسىنىڭ 50 جاستاعى تۇرعىنى ۇستالدى. جەدەل ىزدەستىرۋ ءىس- شارالارى «توسقاۋىل» جەدەل- پروفيلاكتيكالىق ءىس- شاراسى بارىسىندا وتكىزىلدى.
ياگو ەسىمدى قىزمەتتىك يت تۇرعىلىقتى جەرىن ءتىنتۋ كەزىندە ساراي مەن باقشادا جاسىرىلعان ەسىرتكىنى تابۋعا كومەكتەسكەن.
كۇدىكتى تىيىم سالىنعان زاتتاردى كانيسترلەردە ساقتاعان. جالپى سالماعى 4 ك گ 604 گرامم كەپتىرىلگەن ءۇندى سورتتى ماريحۋانا تاركىلەندى.
«تاركىلەنگەن ەسىرتكىنىڭ «قارا نارىقتاعى» قۇنى 10 ميلليون تەڭگەدەن اسادى. قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قاماققا الىندى. سوتقا دەيىنگى تەرگەۋ امالدارى جۇرگىزىلىپ جاتىر»، - دەدى جامبىل وبلىسى پوليتسيا دەپارتامەنتى ەسىرتكى قىلمىسىنا قارسى ءىس- قيمىل باسقارماسىنىڭ باستىعى پوليتسيا پولكوۆنيگى ءالىم باجىقبايەۆ.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.