تانىمال جەكپە-جەك شەبەرى فەدور ەمەليانەنكو قازاقستانعا كەلەدى

استانا. KAZINFORM - ارالاس جەكپە-جەك شەبەرى فەدور ەمەليانەنكو 2-مامىردا الماتىدا بالۋان شولاق اتىنداعى ارەنادا وتەتىن Alash Pride FC 96 ءنومىرلى تۋرنيرىنىڭ قۇرمەتتى قوناعى بولادى.

بەلگىلى سپورت فۋنكتسيونەرى جانە Alash Pride پروموۋشەنىنىڭ نەگىزىن قالاۋشى، ال قازىر ق ر پارلامەنتى ءماجىلىسىنىڭ دەپۋتاتى دانيار قاسقاراۋوۆ جانكۇيەرلەردى قازاقستان، سونداي-اق الىس-جاقىن شەتەلدەردەن كەلەتىن اتاقتى سپورتشىلار ونەر كورسەتەتىن شوۋ كۇتىپ تۇرعانىن ايتتى.

- ق ر پارلامەنتى ءماجىلىسىنىڭ دەپۋتاتى بولىپ سايلانعالى بەرى «الاش پرايد» كلۋبىن باسقارۋدى ءالىمجان بەكتايەۆتىڭ قولىنا تاپسىردىم. ول ۇزاق جىلدار بويى وتاندىق سپورتتىڭ دامۋىنا ۇلەس قوسىپ كەلەدى. ءبىزدىڭ جاۋىنگەرلەر ەلىمىزدە دە، شەتەلدە دە تۇراقتى تۇردە جەكپە-جەك وتكىزەدى. الداعى تۋرنير بىرنەشە سەبەپپەن ەرەكشە بولادى دەپ ۋادە بەردى. بىرىنشىدەن، مىقتى كارد بولادى. ماقسات ەسبولاتوۆ، نەسىپباي مۇقاعالي، دوسقالي ءاشىروۆ، راۋان بەكبولات برازيليا، رەسەي جانە وزبەكستاننان كەلگەن مىقتى قارسىلاستارمەن جۇدىرىقتاسادى. سونداي-اق باسقا دا كوپتەگەن قىزىقتى شايقاستار بولادى. ەكىنشىدەن، جانكۇيەرلەر الەمنىڭ ۇزدىك م م ا جۇلدىزدارىن ءوز كوزدەرىمەن كورە الادى. ونىڭ ىشىندە اتاقتى فەدور ەمەليانەنكو دا بار. مۇنداي دارەجەلى ادامنىڭ كەلۋى قازىردىڭ وزىندە مما جانكۇيەرلەرىنىڭ قىزىعۋشىلىعىن ارتتىرىپ، جەكپە-جەك ونەرىن ودان ءارى تانىمال ەتەدى دەپ سەنەمىن. تۋرنير ەشكىمدى بەي-جاي قالدىرمايتىنىنا جانە ونىڭ سوڭىندا كورەرمەندەر جاعىمدى جانە ۇمىتىلماس اسەرگە يە بولاتىنىنا سەنىمدىمىن»، - دەدى دانيار قاسقاراۋوۆ.

1-مامىردا تۋرنيردىڭ ۇيىمداستىرۋشىلارى مەن فەدور ەمەليانەنكونىڭ قازاق سپورت جانە تۋريزم اكادەمياسىنىڭ ستۋدەنتتەرىمەن كەزدەسۋى جوسپارلانعان، ونىڭ بارىسىندا فەدور شەبەرلىك ساباعىن وتكىزىپ، جانكۇيەرلەردىڭ سۇراقتارىنا جاۋاپ بەرەدى.