تانىمال ءانشى قىزدار وليگارحتار قوقان-لوقى جاساعانىن ايتتى

تارازدان شىققان انشىلەر، «ادەمى- اي» دۋەتى «مەنىڭ ءومىرىم» باعدارلاماسىندا ءسوز سالىپ ءجۇرىپ، كەيىن قوقان-لوقى جاساعان وليگارحتار كەزدەسكەنىن ايتتى. 

ءانشى قىزداردىڭ ءبىرىنىڭ سوزىنشە، ءتىپتى وسىنداي وليگارحتىڭ ءبىرى ولاردى كونسەرتتەن، تۇسىرىلىمنەن قىسقارتۋعا نۇسقاۋ دا بەرگەن.

«كوبى «قىزدار اقشاعا ساتىلا سالادى، قىزىعادى» دەپ ويلايدى. ءبىراق ءبىز ار-ۇياتتى ءبىرىنشى ورىنعا قويامىز. عاشىق بولعان جىگىتتەردىڭ اراسىندا وليگارح جىگىتتەر بولعان. «بارلىعىن كورسەتەمىن، الەمدى كورسەتەمىن» دەگەن. قىز بولعان سوڭ سەنىپ قالاسىڭ عوي. «ءيا» دەگەن كەزدە «مەنىڭ ايەلىم بار، ماعان توقال بول» دەيدى. سول كەزدە بىردەن مىنەز كورسەتىپ، «ءسىزدىڭ اقشاڭىز دا ماڭىزدى ەمەس، نە دەپ تۇرسىز» دەپ ايتىپ تاستاعان كەزدە «جارايدى، ماعان توقال بولمادىڭ، ءبىراق ءىسىم سەنىمەن بولسىن، ەرتەڭ كونسەرتتەردە كورسەتەمىن» دەيتىن ءتىس قايرايتىن ازامات بولعان. اقشاسى كوپ ادامنىڭ قولى ۇزىن. مەن دە قاسارىسىپ تۇرىپ العانمىن»، - دەيدى ءانشى.

ءتىپتى دۋەت مۇشەسى تۇسىرىلىمنەن كەسىپ تاستايتىن جاعداي بيىلعا دەيىن جالعاسقانىن جەتكىزدى.

«بيىلعا دەيىن بولىپ كەلدى. بەس اقىلى كونسەرتتىڭ ەكىنشىسىن كورىپ قويسا، زۆونداپ، «الىپ تاستاڭدار قىزداردى» دەگەن. ەرتەسىنە «سىزدەردى كونسەرتتەن الىپ تاستادى» دەپ قوڭىراۋ شالدى. ءبىز «قالاي الىپ تاستادى» دەيمىز. سەبەبىن ايتپايدى. ءالى كۇنگە دەيىن تۇسىرىلىمدە بۇل نارسە بولىپ كەلە جاتىر. تۇسىرىلىمنەن كەسىپ تاستايتىن كەزدە «نەگە كەسىپ تاستادىڭىز ءبىزدى، قاي جەرىمىز كەم انا انشىدەن» دەگەندە، «تاك، بۇل انا قالانىڭ اكىمىنىڭ ەكىنشى ايەلى، انا كىسى وليگارحتىڭ قىزى، دەپۋتاتتىڭ نەمەرەسى، ول انشىلەر، ول انا كىسىنىڭ توقالى، سوندىقتان ولار وتەدى، سىزدەر وتپەيسىزدەر» دەيدى. ءبىزدىڭ ەسترادامىزدا تەز تانىلىپ كەتۋ ءۇشىن توقال بولۋ كەرەك، ليبو ەسى دۇرىس ەمەس بىرنارسەلەردى ايتىپ جۇرەتىن جىندى بولۋ كەرەك، ليبو وتە قالتالى بولۋ كەرەك. بارلىعىنا بىردەي توپىراق شاشپايمىن»، - دەيدى ءانشى.

  

دەرەككوز 

Massaget.kz