تانىمال ءانشى Jony وزىنە سىيعا تارتىلعان كوشەتتى بوتانيكالىق باققا ەكتى
استانا. KAZINFORM - ەلوردالىق اۋەجايدا تانىمال اندەردىڭ اۆتورى، ورىنداۋشى Jony گە كوشەت سىيعا تارتىلدى.
سول كۇنى Jony بۇل اعاشتى قالانىڭ بوتانيكالىق باعىنا ەكتى. بۇل تۋرالى ەلوردا اكىمدىگىنىڭ رەسمي سايتى جازدى.
Jony وسىنداي ەرەكشە ءارى ماعىنالى سىيلىق ءۇشىن ريزاشىلىعىن ءبىلدىرىپ، ونىڭ تابيعاتتى جانە قورشاعان ورتانى قورعاۋعا باعىتتالعان جوبالارعا قاتىسۋى ەرەكشە ماڭىزدى ەكەنىن اتاپ ءوتتى.
بوز ارشا كوشەتى بوتانيكالىق باققا وتىرعىزىلدى.
ەلوردادا «تازا قازاقستان. استانا - تازالىق پەن ءتارتىپتىڭ ۇلگىسى» اۋقىمدى ەكواكسيا جالعاسىپ جاتىر. اۋقىمدى ەكواكتسيا شەڭبەرىندە جاسىل ەكپەلەردى وتىرعىزۋ، قالانى سانيتارلىق تازارتۋ، نوسەر جانە ارىق كارىزدەرىن، كوشەلەردى، تروتۋارلاردى، ورامىشىلىك اۋماقتاردى، قوعامدىق كەڭىستىكتەر مەن اۋلالاردى جانە ت. ب. جيناۋ جۇمىستارى جۇرگىزىلۋدە.