تانىمال بوكسشىنىڭ ۇلى وزىنە قول جۇمساپ قايتىس بولدى

استانا. KAZINFORM - ايگىلى بوكسشى روي دجونستىڭ (كىشىسى) ۇلى وزىنە قول جۇمساپ، قايتىس بولدى. قايعىلى حاباردى بوكسشىنىڭ ءوزى ءمالىم ەتتى.

بوكسشىنىڭ دەاندرە دجونس، دەشون جانە روي دجونس III ەسىمدى ءۇش ۇلى بار. دەاندرە دجونس سەنبى كۇنى سۋيتسيد جاساپ، ومىرىمەن قوش ايتىستى.

وكىنىشكە قاراي، مەنىڭ ۇلىم دەاندرە سەنبى كۇنى وزىنە قول جۇمساپ، قايتىس بولدى. مەن جۇمادا ۇيگە ورالىپ، ءومىرىنىڭ سوڭعى ءتۇنىن ونىمەن جانە وتباسىمەن وتكىزۋگە مۇمكىندىك بەرگەنى ءۇشىن قۇدايعا شۇكىر دەيمىن. قازىر ادامدار كوپتەگەن قيىندىقتى باستارىنان وتكەرۋدە، ءبىراق ونىڭ ءبارى ومىرىنەن ارتىق ەمەس. قۇداي بەرگەن جاندى ءوزى الۋ كەرەك. قازىرگى قيىن-قىستاۋ كەزەڭدە مەنىڭ جەكە ءومىرىم جانە وتباسىمنىڭ ومىرىنە قۇرمەتپەن قاراۋلارىڭىزدى سۇرايمىن. قولداۋلارىڭىزعا راقمەت»، - دەپ جازدى بوكسشى الەۋمەتتىك جەلىدە.

روي دجونس 1988-جىلعى وليمپيادا ويىندارىنىڭ كۇمىس جۇلدەگەرى. جارتىلاي اۋىر سالماقتا ابسوليۋتتى الەم چەمپيونى بولعان بوكسشى. قازاقستانداعى ءىرى جارىستارعا ءجيى كەلىپ تۇراتىن دا سپورتشى.