استانا. قازاقپارات - نە جەيتىنىڭىز عانا ەمەس، قاشان جەيتىنىڭىز دە ماڭىزدى. تايۆان ۇلتتىق ۋنيۆەرسيتەتى جۇرگىزگەن ءىرى مەتا-تالداۋ ناتيجەسى بويىنشا، نەگىزگى كالوريانى كۇننىڭ ءبىرىنشى جارتىسىندا قابىلداۋ سالماقتى ازايتۋ مەن قانداعى قانت دەڭگەيىن باقىلاۋدا اناعۇرلىم ءتيىمدى. زەرتتەۋ BMJ Medicine جۋرنالىندا جاريالانعان.
عالىمدار الەم بويىنشا جۇرگىزىلگەن راندوميزاتسيالانعان كلينيكالىق زەرتتەۋلەردىڭ دەرەكتەرىن تالداعان. ناتيجەسىندە تاڭعى 8:00 دەن كەشكى 16:00 گە دەيىن ەرتە تاماقتانۋ سالماق تاستاۋ، گليۋكوزا دەڭگەيىن تۇراقتاندىرۋ جانە ينسۋلينگە سەزىمتالدىقتى ارتتىرۋدا ەڭ جاقسى ناتيجە كورسەتكەن.
ال كەش تاماقتانۋ الدەقايدا ءتيىمسىز بولىپ شىققان. ەگەر تاماقتانۋ ۋاقىتى ۇزاققا سوزىلسا، مەتابوليزم كورسەتكىشتەرى ءتىپتى ناشارلاعان.
زەرتتەۋشىلەر مۇنى ادامنىڭ بيولوگيالىق ساعاتىمەن تۇسىندىرەدى. اعزانىڭ زات الماسۋ جۇيەسى ەنەرگيانى كۇندىز، جارىق ۋاقىتتا وڭدەۋگە بەيىمدەلگەن. كەشكە قاراي گليۋكوزا مەن مايدى ىدىراتۋ قابىلەتى تومەندەيدى. ياعني بىردەي كالوريا ءارتۇرلى ۋاقىتتا ءارتۇرلى اسەر بەرەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан