استانا. قازاقپارات – 16-جەلتوقسان قازاقستان رەسپۋبليكاسى تاۋەلسىزدىگىنىڭ 33 جىلدىعىنا وراي ەلوردادا مەرەكەلىك وتشاشۋ بولمايدى. بۇل اقپاراتتى قالا اكىمدىگى راستادى.
- تاۋەلسىزدىك كۇنىنە وراي استانادا 50 دەن استام ءتۇرلى مەرەكەلىك جانە رەسمي ءىس-شارا وتەدى. ونىڭ ىشىندە كورمەلەر، كونسەرتتەر، سۋرەت بايقاۋلارى، تۋرنيرلەر مەن سپارتاكيادالار سياقتى ءىس-شارالار بار. وتشاشۋ بولمايدى - دەپ جاۋاپ بەردى استانا قالاسى اكىمىنىڭ باسپا ءسوز حاتشىسى اقمارال ولجابايەۆا اگەنتتىك تىلشىسىنە.
استانادا تاۋەلسىزدىك كۇنىنە وراي وتەتىن ءىس-شارالاردىڭ ۋاقىتى مەن ورنى تۋرالى مىنا سىلتەمەگە ءوتىپ تانىسۋعا بولادى.
ەسكە سالا كەتسەك، رەسپۋبليكا كۇنىنە وراي، استانادا دەمەۋشىلەردىڭ قولداۋىمەن مەرەكەلىك وتشاشۋ ۇيىمداستىرىلدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.