تالدىقورعانداعى جەر سىلكىنىسى: عيماراتتار زاقىمدانباعان

استانا. KAZINFORM – ت ج م «قازسەلدەنقورعاۋ» م م ماماندارى وزەن ارنالارىن، گيدروتەحنيكالىق قۇرىلىستاردى، كوشكىن قاۋىپتى جانە سەل قاۋىپتى ۋچاسكەلەردى زەرتتەۋ بويىنشا مونيتورينگ جۇرگىزدى.

سونداي-اق، تىرشىلىكتى قامتاماسىز ەتۋ نىساندارىن ارالاپ، تەكسەرۋ جۇمىستارىن جۇرگىزدى.

- تەكسەرۋ ناتيجەلەرى بويىنشا زاقىمدانۋ تابىلعان جوق، قازىرگى ۋاقىتتا اتالعان وبەكتىلەر شتاتتىق رەجيمدە جۇمىس ىستەيدى. قيراۋلار مەن زارداپ شەككەندەر تۋرالى مالىمەت تۇسكەن جوق. جاعداي تۇراقتى، - دەلىنگەن ت ج م حابارلاماسىندا.

تالدىقورعان ماڭىندا تىركەلگەن جەر سىلكىنىسىنە بايلانىستى جەتىسۋ وبلىسى ت ج د تۇرعىندارعا ارنالعان جەدەل جەلىنى ىسكە قوستى.

ماماندار كەلەسى ءنومىر ارقىلى كەڭەس بەرۋگە جانە سۇراقتارىڭىزعا جاۋاپ بەرۋگە دايىن: 87282324436.

ت ج م جەدەل قىزمەتتەرى جەرگىلىكتى اتقارۋشى ورگانداردى، پوليتسيانى جانە باسقا دا بەيىندى قىزمەتتەردى حاباردار ەتتى.

ايتا كەتەلىك بۇگىن استانا ۋاقىتى بويىنشا ساعات 16:01 مينۋتتا تالدىقورعان ماڭىندا جەر سىلكىنگەن ەدى.

ت ج م مالىمەتىنشە جەر سىلكىنىسى تالدىقورعان قالاسىدا - 4.0 بال، بالپىق-ءبي اۋىلىندا - 4.0 بال، قارابۇلاق كەنتى - 3.0 بال، ۇشتوبە قالاسىندا - 3.0 بال، تەكەلي قالاسىندا - 2.0 بال، سارىوزەك اۋىلىندا - 2.0 بال بولعان.