تالدىقورعاندا پوليتسيا كولىگى جول اپاتىنا ۇشىرادى

تالدىقورعان. KAZINFORM - تالدىقورعاندا پاترۋلدىك پوليتسيا كولىگى جول اپاتىنا ۇشىرادى.

الەۋمەتتىك جەلىدە پايدا بولعان كادرلاردان پوليتسيا كولىگىنىڭ جەكە ءۇيدىڭ قورشاۋىنا سوعىلعانىن كورۋگە بولادى. جەتىسۋ وبلىستىق پوليتسيا دەپارتامەنتى اتالعان جاعدايعا قاتىستى تۇسىنىك بەردى.

«102» نومىرىنە پىشاق جاراقاتىن العان ادام تۋرالى حابارلاما ءتۇستى. وقيعا ورنىنا دەرەۋ پوليتسيا ەكيپاجى جىبەرىلدى. ارنايى دىبىستىق دابىلى مەن جارىقتارى قوسىلعان پوليتسيا كولىگى الدابەرگەنوۆ پەن ءۋاليحانوۆ كوشەلەرى قيىلىسىندا باعدارشامنىڭ قىزىل تۇسىنە ءوتىپ بارا جاتقاندا، قىزمەتتىك كولىككە جول بەرمەگەن «Chevrolet Niva» ماشيناسىمەن سوقتىعىستى»، - دەپ حابارلادى پوليتسيادان.

زارداپ شەككەندەر جوق.

جول اپاتىنىڭ سەبەبىن انىقتاۋ ءۇشىن قىزمەتتىك تەرگەۋ باستالدى.

اۆتور
الما مۇقانوۆا