تالدىقورعاندا تابيعي گاز اۋاعا اتقىلادى
تالدىقورعان. KAZINFORM - تالدىقورعاندا تابيعي گاز اتقىلاپ، ءيىسى قالانى الىپ كەتتى.
ونىڭ ۆيدەوسى الەۋمەتتىك جەلىدە تارادى. بەينەجازبادان قۇبىردان بۋداقتاپ شىعىپ جاتقان گازدى كورۋگە بولادى.
توتەنشە جاعدايلار دەپارتامەنتىنىڭ مالىمەتىنشە، 10-شىلدە كۇنى دەپارتامەنت قىزمەتىنە گاز ءيىسى بويىنشا شاقىرتۋ كەلىپ تۇسكەن.
- وقيعا ورنىنا جەتكەن قۇتقارۋشىلار جەراستى جوعارى قىسىمدى گاز قۇبىرىنداعى تاراتۋ جەلىسىنەن گازدىڭ جانۋسىز شىعىپ جاتقانىن انىقتادى. اپات سالدارىنان ءورت بولعان جوق. گازدىڭ شىعۋى ۋاقىتىندا توقتاتىلدى. قازىرگى تاڭدا قاۋىپ سەيىلدى، - دەپ حابارلادى ۆەدومستۆودان.
قازىر وندا اپاتتىق گاز قىزمەتى جۇمىس ىستەپ جاتىر. ءتيىستى ماماندار جاعدايدى تولىق باقىلاۋعا الدى.
بۇعان دەيىن قاراعاندىدا سالىنىپ جاتقان گاز تاراتۋ جەلىلەرىندە جارىلىس بولعانى تۋرالى جازعانبىز.