تالدىقورعاندا جاستار توبەلەسى قايعىلى اياقتالدى

تالدىقورعان. KAZINFORM - تالدىقورعاندا جاستار اراسىنداعى جانجال كەزىندە 2003 -جىلعى جىگىت قارسىلاسىن پىشاقتاعان.

بۇل تۋرالى وبلىستىق پوليسيا دەپارتامەنتىنىڭ باسپا ءسوز قىزمەتى مالىمدەدى.

وقيعا 25 -ماۋسىم كۇنى شىعىس شاعىن اۋدانىندا بولعان. الەۋمەتتىك جەلىلەردە تاراعان بەينەجازبادا بىرنەشە جاس ءوسپىرىمنىڭ توبەلەسىپ جاتقان ءساتى كورىنەدى. جانجال كەزىندە 2003 -جىلى تۋعان ازامات قارسىلاسىنا پىشاق سۇعىپ، سالدارىنان ءبىر جىگىت وقيعا ورنىندا كوز جۇمعان.

- اتالعان دەرەك بويىنشا سوتقا دەيىنگى تەرگەپ-تەكسەرۋ باستالدى. كۇدىكتى ۇستالىپ، ۋاقىتشا ۇستاۋ يزولياتورىنا قامالدى، - دەپ حابارلادى پوليسيادان.

قازىر وقيعانىڭ بارلىق ءمان-جايى انىقتالىپ جاتىر. تەرگەۋ مۇددەسىنە بايلانىستى وزگە اقپارات جاريا ەتىلمەيدى.