تالدىقورعان. KAZINFORM - قالاداعى كوپقاباتتى ءۇيدىڭ بىرىندە ءبىر توپ جىگىت جاس وسپىرىمدى ءولىمشى ەتىپ ساباعان. ولاردىڭ بۇل قىلىقتارى بەينەباقىلاۋ كامەراسىنا ءتۇسىپ قالعان. الەۋمەتتىك جەلىگە تاراعان جايت اقپان ايىندا بولعان. ازىرگە ۆيدەونى كىم جۇكتەگەنى جونىندە اقپارات جوق.
كوپتىڭ اشۋىن تۋدىرعان بەينەجازباعا قاتىستى پوليتسيا ءىس قوزعادى. قۇقىق قورعاۋ ورگاندارى بۇزاقى توپتى ىزدەستىرۋ شاراسىن باستاپ كەتتى.
«پوليتسەيلەر ءبىر توپ جاس ءوسپىرىمنىڭ توبەلەسىنە قاتىستى سوتقا دەيىنگى تەرگەۋدى باستادى. بەينەتاسپاعا تۇسىرىلگەن وقيعاعا قاتىسى بار ادامداردى انىقتاۋ ءۇشىن ىزدەستىرۋ جۇمىستارى جۇرگىزىلىپ جاتىر. ولاردىڭ ءارقايسىسىنا قاتىستى زاڭدى شارالار قولدانىلاتىن بولادى»، - دەدى، جەتىسۋ وبلىستىق پوليتسيا دەپارتامەنتىنىڭ باسپا ءسوز قىزمەتى.
ايتا كەتەيىك، بۇعان دەيىن بۋراباي اۋماعىنداعى پيكنيك الاڭىن قيراتىپ كەتكەن بۇزاقىلار جايلى جازعان ەدىك.
اۆتور
ديانا تۇرلىبەك
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан