الماتى - وسكەمەن اۆتوجولىنىڭ جەتىسۋ وبلىسى اۋماعىنداعى بولىگىندە جول اپاتى بولىپ، ءۇش بىردەي كولىك سوقتىعىستى، دەپ حابارلايدى Kazinform.
كولىكتىڭ ءبىرى اقسۋ اۋدانىنداعى اۋرۋحاناعا تيەسىلى بولعان. اپاتتان ەكى مەديتسينا قىزمەتكەرى زارداپ شەكتى.
«وقيعا «الماتى- وسكەمەن» اۆتوجولىنىڭ 337 شاقىرىمىندا ورىن الدى، وندا «مازدا-626» جەڭىل اۆتوكولىگى، «كاماز» جۇك كولىگى جانە «JAC» جەدەل جاردەم كولىگى سوقتىعىستى. جول اپاتىنان ەكى دارىگەر زارداپ شەكتى. ولار ءارتۇرلى جاراقات الىپ، اۋرۋحاناعا جاتقىزىلدى. دارىگەرلەردىڭ ءبىرى كەيىن امبۋلاتوريالىق ەمدەلۋگە جىبەرىلدى»، دەپ حابارلادى وبلىستىق پوليتسيا دەپارتامەنتىنەن.
قازىر اپاتقا ۇشىراعان اۆتوكولىكتەر ارنايى اۆتوتۇراققا ورنالاستىرىلىپ، قاجەتتى ساراپتاما تاعايىندالدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан