جولدىڭ جيەگىن قورشاپ، بەلگىلەر ورناتىپ، اۋىلدارعا كىرەبەرىس جول سالۋ عانا قالدى. بۇل اۆتودالىزدى جوندەۋ بارىسى مەملەكەت باسشىسىنىڭ تىكەلەي قاداعالاۋىندا. جۋىرداعى جولداۋىندا دا پرەزيدەنت كولىك- لوگيستيكا سەكتورىن دامىتۋدىڭ ستراتەگيالىق مانىنە ايرىقشا توقتالعان بولاتىن.
قالباتاۋدىڭ تۇرعىنى مەدەت جاۋدەننىڭ ايتۋىنشا، وسىدان 6-7 جىل بۇرىن اۋىلعا ءتيىپ تۇرعان وسكەمەنگە جەتۋ مۇڭ بولعان. «شۇرىق-تەسىك جول جۇيكەنى دە، كولىكتى دە توزدىردى»، - دەيدى ول. ەندى، مىنە، ەكى ارانى 1,5 ساعاتتا ەڭسەرۋگە بولادى.
مەدەت جاۋدان، كولىك جۇرگىزۋشى:
- قازىر جاقسى، ءبىر ساعاتتا بارىپ كەلىپ الاسىڭ، جەتىپ الاسىڭ. اياگوز ەكى ورتاسى تەزىرەك بىتسە ەكەن دەپ تىلەيمىز ەندى. سول عانا قالدى.
جالپى رەسپۋبليكالىق اۆتودالىز قۇرىلىسى 2019 -جىلى باستالعان ەدى. الايدا پاندەمياعا بايلانىستى جۇمىس سوزىلىپ كەتتى. «قازاۆتوجول» كومپانياسى وكىلدەرىنىڭ ايتۋىنشا، كەيىن مەردىگەرلەر اراسىنداعى اۋىس- ءتۇيىس تە كەرى اسەرىن تيگىزدى. ايتەۋىر قارجىلىق، لوگيستيكالىق ماسەلە رەتتەلىپ، ءىس قايتا جانداندى.
التاي ساركەن، «قازاۆتوجول» ۇ ك ش ق و فيليالى ديرەكتورىنىڭ ورىنباسارى:
- نەگىزىندە بۇل جولدا 3 قابات اسفالت. سونىڭ ءبىر جەردە ءبىر، ءبىر جەردە ەكى قاباتى اياقتالعان كەزدە حالىققا قولايلى جاعداي جاساۋ ءۇشىن جۇرىسكە رۇقسات بەرگەنبىز. ەندىگى بيىلعى جىلى تولىق 3 قاباتپەن ءبىتىرىپ، تولىق اياقتاپ جاتىرمىز.
قاداعالاۋشى قىزمەتكەرلەر: «جولدىڭ قازىرگى ساپاسى جاقسى»، - دەيدى. مەملەكەت باسشىسىنىڭ تاپسىرماسىنا ساي جابىندىعا وتاندىق ءونىم قولدانىلعان.
ەرلان امىرەيەۆ، ينجەنەرلىك-تەحنيكالىق قاداعالاۋ قىزمەتىنىڭ باس ينجەنەرى:
- بارلىق ماتەريالدار قازاقستاندا جاسالىپ جاتىر. جول ساپاسى تولىعىمەن ق ر نورماتيۆتىك تالاپتارىنا سايكەس، بىرنەشە ساراپتامادان وتكىزىپ، ساپاسىنىڭ شىققانىن دالەلدەپ شىقتىق. جول بويىنا 100-گە تارتا سۋ وتكىزۋ قۇبىرى، 7 كوپىر سالىندى. وسى بولىكتى جوندەۋگە 33 ميلليارد تەڭگەدەن اسا قاراجات جۇمسالدى.
تالدىعورعان-قالباتاۋ-وسكەمەن اۆتودالىزى - كولىكتىك ءال-اۋقاتتى تۋريستىك كلاستەردى كوتەرەتىن ماڭىزدى قاتىناس. قازىر جەتىسۋداعى جول بولىگىندە نەگىزگى جۇمىس اياقتالدى. ال اباي وبلىسىنداعى قۇرىلىستىڭ � ءبىتتى. وسىلايشا، بيىل جىل سوڭىنا دەيىن مەجەگە ساي ۇزىندىعى 768 شاقىرىمعا سوزىلاتىن بۇل ءدالىز تولىق قولدانىسقا بەرىلەدى.
24.kz