تالدىقورعان كوشەلەرىندەگى زاڭسىزدىق: Land Cruiser جۇرگىزۋشىسى الماتىدان تابىلدى
استانا. KAZINFORM - پوليتسيا تالدىقورعان كوشەلەرىندە جارىسىپ، جول ەرەجەسىن ورەسكەل بۇزعان قۇقىق بۇزۋشىلاردىڭ ءبىرىن انىقتادى، - دەپ حابارلايدى Tengrinews.kz.
ول اق ءتۇستى Toyota Land Cruiser كولىگىنىڭ جۇرگىزۋشىسى بولىپ شىقتى.
«تالدىقورعان پوليتسەيلەرى قۇقىق بۇزۋشىنى انىقتادى، ول الماتى تۇرعىنى بولىپ شىقتى. كولىك جۇرگىزۋشىسى توتەنشە جاعداي تۋعىزعانى، مەملەكەتتىك ءنومىرسىز كولىك قۇرالىن جۇرگىزگەنى جانە قارسى جولعا شىققانى ءۇشىن جاۋاپكەرشىلىككە تارتىلدى»، - دەلىنگەن جەتىسۋ وبلىستىق پوليتسيا دەپارتامەنتىنىڭ باسپا ءسوز قىزمەتى حابارلاماسىندا.
پوليتسيا مالىمەتىنشە، اق ءتۇستى Land Cruiser جول تالعامايتىن كولىگىنىڭ جۇرگىزۋشىسى قارسى جولاققا شىعىپ كەتكەنى ءۇشىن التى ايعا جۇرگىزۋشى كۋالىگىنەن ايىرىلۋى مۇمكىن. مۇنى سوت شەشەدى.
بۇل رەتتە، پوليتسەيلەر مالىمەتىنشە، قارا ءتۇستى جول تالعامايتىن Lexus كولىگىنىڭ جۇرگىزۋشىسىن انىقتاۋ مۇمكىن بولماعان.