قونايەۆ. KAZINFORM - شەرزات بولاتتىڭ كىسى قولىنان قازا تاپقانىنا ون كۇننەن اسىپ كەتتى. الايدا ونىڭ جاقىندارىنان ءالى كۇنگە دەيىن جاۋاپ الىنعان جوق. مۇنىڭ سەبەبىن باسپا ءسوز ءماسليحاتى بارىسىندا ءى ءى م تەرگەۋ دەپارتامەنتى باستىعىنىڭ ورىنباسارى سامات ايسوۆ ءتۇسىندىرىپ بەردى.
«قازىر كۇدىكتىلەر مەن كۋاگەرلەردەن جاۋاپ الىندى. جابىرلەنۋشى تاراپتان جاۋاپ الۋ جوسپاردا بار. ءجاي سوزبەن ايتقاندا، ادامگەرشىلىك جاعىنان قاراپ وتىرمىز»، - دەدى ول.
سونىمەن قاتار باۋىرجان الەنوۆ شەرزاتتىڭ اكەسىن قورقىتۋ بويىنشا ءىس تەكسەرىلىپ جاتقانىن ايتتى.
ەسكە سالايىق، 4-قازاندا تالعار قالاسىنداعى توبەلەستەن ءبىر ادام قايتىس بولعانىن جازعانبىز.
اشۋلى تالعارلىقتار جاس ءوسپىرىم ولىمىنە بايلانىستى نارازىلىققا شىقتى.
الماتى وبلىسىنىڭ پروكۋراتۋراسى كىسى ءولتىرۋ تۋرالى بۇل ءىس ەرەكشە باقىلاۋعا الىنعانىن رەسمي تۇردە حابارلادى.
ىشكى ىستەر ءمينيسترى ەرجان سادەنوۆ الماتى وبلىسى تالعار اۋدانىنداعى جاس ءوسپىرىمنىڭ ولىمىنە قاتىستى ءىستى جەكە باقىلاۋىنا الدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.