تالعارداعى تراگەديا: ءورت قىلمىسى بويىنشا ايعاقتار الىندى، ساراپتامالار جۇرگىزىلىپ جاتىر

الماتى. KAZINFORM - ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆ پەن الماتى وبلىسىنىڭ پروكۋرورى بەرىك اداموۆ تالعار اۋدانىنداعى ءۇيدى ورتەۋ فاكتىسى بويىنشا تەرگەۋ بارىسى تۋرالى حابارلادى. بۇل تۋرالى ق ر ءى ءى م باسپا ءسوز قىزمەتى ءمالىم ەتتى.

باۋىرجان الەنوۆتىڭ ايتۋىنشا، قىلمىس جاسالعان ساتتەن باستاپ، ياعني 4 -قازاننان بەرى تالعار اۋدانىندا ءمينيستردىڭ ءبىرىنشى ورىنباسارى باستاعان ءى ءى م ورتالىق اپپاراتى قىزمەتكەرلەرىنەن قۇرالعان جەدەل-تەرگەۋ توبى جۇمىس ىستەپ جاتىر.

- جەدەل- تەرگەۋ توبى قۇرىلىپ، قىلمىس جاسالعان جەردە مۇقيات تەكسەرۋ جۇمىستارىن جۇرگىزۋدە. بەينەباقىلاۋ كامەرالارىنان جازبالار قارالۋدا. اۋلالار مەن ەسەپتە تۇرعان تۇلعالار تەكسەرىلۋدە. وتباسىنىڭ تۇرعىلىقتى جەرىن پوليتسيا قىزمەتكەرلەرى پاترۋلدەۋدە. وقيعا ورىن العان كەزدە ءورت بولعان ۇيدە ەشكىم تۇرىپ جاتقان جوق ەدى. جانۇيا قازىرگى كەزدە باسقا مەكەنجايدا تۇرىپ جاتىر. قىلمىسكەرلەر ۇستالىپ، مىندەتتى تۇردە جاۋاپقا تارتىلادى. سونىمەن قاتار جالعان اقپارات تاراتپاۋعا شاقىرامىن، - دەدى ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆ.

الماتى وبلىسىنىڭ پروكۋرورى بەرىك اداموۆ بارلىق تەرگەۋ ارەكەتتەرى باس پروكۋراتۋرانىڭ باقىلاۋىندا ەكەنىن اتاپ ءوتتى.

- تەرگەۋ بارىسى تۋرالى باس پروكۋرورعا ەسەپ بەرەمىن. بۇگىنگى تاڭدا ارنايى پروكۋرورلار ءۇيدى ورتەۋ فاكتىسىن تەرگەپ جاتىر. وقيعا ورنىنان بارلىق ايعاقتار الىنىپ، ولار بويىنشا ءتيىستى ساراپتامالار تاعايىندالدى. ءبىز ساراپتاما ناتيجەلەرىن كۇتۋدەمىز، ودان كەيىن قوسىمشا اقپارات بەرىلەدى. بۇگىنگى تاڭدا وسى ءىس بويىنشا كوپتەگەن جالعان اقپارات تاراتىلۋدا. ازاماتتارعا جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلاتىنىن ەسكەرتكىم كەلەدى، - دەدى الماتى وبلىسىنىڭ پروكۋرورى بەرىك اداموۆ.

ەسكە سالايىق، ساعات 00:50- دە ءۇيدى جالىن شارپىعان. ءورت ساعات 01:43- دە تولىعىمەن جويىلدى.

بۇعان دەيىن 4-قازان كۇنى تالعار قالاسىنداعى توبەلەستەن جاس ءوسپىرىم قايتىس بولعانىن جازعانبىز.

ودان كەيىن شەرزاتتىڭ تۋعان-تۋىستارى مەن تالعار تۇرعىندارى اشىق تەرگەۋ بولۋىن تالاپ ەتىپ، نارازىلىققا شىققان بولاتىن.

بۇگىن باس پروكۋراتۋرانىڭ باسشىلىعىمەن قىلمىستى اشۋ ءۇشىن ۆەدومستۆوارالىق جەدەل-تەرگەۋ توبى قۇرىلعانى بەلگىلى بولدى.

بۇگىن ىشكى ىستەر ءمينيسترىنىڭ ءبىرىنشى ورىنباسارى باۋرجان الەنوۆ مارقۇم شەرزات بولاتتىڭ ءۇيىن ورتەۋ وقيعاسىن تەرگەۋ توبىمەن تالعارعا باردى.