اقمولا وبلىسىندا 14 جاستاعى قىزدىڭ وزىنە قول سالۋى: ولەر الدىندا قايتا تۋۋ تۋرالى مانحۆا نۇسقاۋلىعىن قاراعان

استانا. KAZINFORM - قازان ايىنىڭ باسىندا ارشالى اۋدانىنىڭ ءبىر اۋىلىندا 2010 -جىلعى ا. -نىڭ ءوز-وزىنە قول جۇمساپ قايتىس بولعان دەنەسى تابىلدى، دەپ حابارلايدى اقمولا وبلىسى پروكۋراتۋراسىنىڭ باسپا ءسوز قىزمەتى.

بەلگىلى بولعانداي، كامەلەتكە تولماعان ا. ءوز-وزىنە قول جۇمساۋدىڭ الدىندا ينتەرنەتتە التى ءتۇرلى تۇيىندەر تۋرالى ماتەريالدى جانە قايتا تۋۋ تۋرالى مانحۆا نۇسقاۋلىعىن قاراعان.

مانحۆا - بۇل وڭتۇستىك كورەيادا كەڭىنەن تانىمال كوميكس، ول كورەي مادەنيەتىن، داستۇرلەرىن جانە ويلاۋ ءتاسىلىن بەينەلەيدى.

مانحۆا كونسەپسياسى جاڭا دەنەدە، ۇقساس الەمدە نەمەسە وتكەن ومىرىندە قايتادان ءومىر ءسۇرۋ مۇمكىندىگىن ناسيحاتتايدى.

«ءوز-وزىنە قول جۇمساۋدى ناسيحاتتاۋ بەلگىلەرىنىڭ بولۋىنا بايلانىستى 2024 -جىلدىڭ 8-قازانىندا ارشالى اۋدانىنىڭ پروكۋراتۋراسى قازاقستان رەسپۋبليكاسى قىلمىستىق كودەكسىنىڭ 313-1 -بابى بويىنشا سوتقا دەيىنگى تەرگەۋدى باستادى»، - دەپ حابارلادى اقمولا وبلىسىنىڭ پروكۋرورى رۋفات قۇتتىقوۆ.

قىلمىستىق ءىستى تەرگەۋ ارنايى پروكۋرورعا تاپسىرىلىپ، تەرگەۋ بارىسى باقىلاۋعا الىندى.

قازاقستان رەسپۋبليكاسىنىڭ قىلمىستىق-پروتسەستىك كودەكسىنىڭ 201-بابىنىڭ تالاپتارىنا سايكەس باسقا اقپارات جاريالاۋعا جاتپايدى.

وسىنداي جاعدايلاردى بولدىرماۋ ماقساتىندا اتا-انالاردى (قامقورشىلاردى) بالالاردىڭ گادجەتتەردى پايدالانۋىن باقىلاۋعا شاقىرامىز، تەك پايدالانۋ ۋاقىتىن شەكتەۋ عانا ەمەس، سۇراۋلاردىڭ تاقىرىبىن دا تەكسەرۋ ماڭىزدى.

ايتا كەتەيىك، بۇعان دەيىن اقمولا وبلىسىندا 14 جاسار قىز ءوز-وزىنە قول سالعانىن جازعان ەدىك.

اقمولا وبلىسى پ د باسپا ءسوز قىزمەتىنىڭ مالىمەتىنشە، وقيعا قازاننىڭ 1-ىندە ارشالى اۋدانىنىڭ جىبەك جولى اۋىلىندا بولعان.