تالعاردا يزولياتوردان قاشقان كۇدىكتىنىڭ وقيعاسى بويىنشا ءىس قوزعالدى

استانا. KAZINFORM - ىشكى ىستەر ءمينيسترىنىڭ ورىنباسارى يگور لەپەحا الماتى وبلىسىنىڭ تالعار اۋدانىندا كامەلەتكە تولماعان قىزدى زورلادى دەگەن كۇدىكتىنىڭ ۋاقىتشا ۇستاۋ يزولياتورىنان قاشىپ كەتۋ فاكتىسى تۋرالى پىكىر ءبىلدىردى.

ءماجىلىس وتىرىسىنان شىققان ۆيتسە-مينيستر جۋرناليستەردىڭ سۇراعىنا بەرگەن جاۋابىندا كۇدىكتىنىڭ ءالى قولعا تۇسپەگەنىن راستادى.

«قىلمىسكەردى ىزدەپ جاتىرمىز، ونى ۇستايمىز. ىزدەپ جاتىرمىز، بۇل وڭاي ەمەس. بارلىق شارانى قابىلداپ جاتىرمىز. قىزمەتتىك تەكسەرۋ-تەرگەۋ جۇرگىزىپ جاتىرمىز. ءبارى جازالانادى. سالعىرتتىق بويىنشا ءىس قوزعالدى. كىنالىلەردى جاۋاپقا تارتامىز»، - دەدى يگور لەپەحا.

ەسكە سالساق، الماتى وبلىسىنىڭ پوليتسيا دەپارتامەنتى ۋاقىتشا ۇستاۋ يزولياتورىنان قاشقان كۇدىكتىگە ىزدەۋ جاريالاعان ەدى.

«الماتى وبلىسى پوليتسيا دەپارتامەنتى ۋاقىتشا ۇستاۋ يزولياتورىنان قاشىپ كەتكەن ازامات 1998-جىلى تۋعان، تالعار اۋدانى، تەرەڭقارا اۋىلى، نوۆوسترويكا كوشەسى، 216 ءۇي مەكەن-جايى بويىنشا تىركەلگەن بەكارىس ءسابيت ۇلى قالمىرزايەۆقا ىزدەۋ سالامىز»، - دەلىنگەن حابارلامادا.