تالعار ماڭىندا تۇنگى ۋاقىتتا تاعى جانجال شىقتى

قونايەۆ. KAZINFORM - الەۋمەتتىك جەلىدە تالعار اۋدانى تۇزدىباستاۋ اۋىلىندا جانجال بولعانى تۋرالى اقپارات تارادى. الماتى وبلىسىنىڭ پوليتسيا دەپارتامەنتى بۇل دەرەك بويىنشا تۇسىنىك بەردى.

جەلىدەگى مالىمەت بويىنشا، تۇزدىباستاۋ اۋىلىنداعى «باستاۋ» كافەسىنىڭ الدىندا بەلگىسىز ادامدار اراسىندا اتىس بولعان.

الماتى وبلىسىنىڭ پوليتسيا دەپارتامەنتى كيكىلجىڭگە قاتىسقان كۇدىكتىلەر ۇستالعانىن حابارلادى.

- بۇزاقىلىق ارەكەتتەر فاكتىسى بويىنشا قىلمىستىق ءىس قوزعالدى. وقيعاعا قاتىسۋشىلاردىڭ بارلىعى پوليتسياعا جەتكىزىلدى. زارداپ شەككەندەر جوق. وقيعانىڭ ءمان-جايى انىقتالىپ جاتىر، - دەپ حابارلادى وبلىستىق پ د باسپا ءسوز قىزمەتى.

ەسكە سالايىق، بۇعان دەيىن 4-قازان كۇنى تالعار قالاسىنداعى توبەلەستەن جاس ءوسپىرىم قايتىس بولعانىن جازعانبىز.

الماتى وبلىسىنىڭ پروكۋراتۋراسى كىسى ءولتىرۋ تۋرالى بۇل ءىس ەرەكشە باقىلاۋعا الىنعانىن حابارلادى.

بىرنەشە كۇننەن كەيىن جاس ءوسپىرىمنىڭ ولىمىنە كۇدىكتىلەر قونايەۆقا اۋىستىرىلدى.

اۆتور
دوسبول اتاجان