تالعار اكىمى مەن ورىنباسارى قىزمەتىنەن بوساتىلدى
17:59, 15 - قازان 2024
قونايەۆ. KAZINFORM - الماتى وبلىسى تالعار قالاسىنىڭ اكىمى مەن ورىنباسارى قىزمەتىنەن بوساتىلدى.
«تالعار قالاسىنىڭ اكىمى باحىت قۋاتبەك ۇلى كۇرىشبەكوۆ، تالعار قالاسى اكىمىنىڭ ورىنباسارى ماتان ساعىندىق ءوز مىندەتتەرىن ءتيىستى دەڭگەيدە اتقارماعانى ءۇشىن لاۋازىمدارىنان بوساتىلدى. باسقا لاۋازىمداعى قىزمەتكەرلەردىڭ جاۋاپكەرشىلىك دەڭگەيى پىسىقتالىپ جاتىر»، - دەپ جازىلعان حابارلامادا.
ايتا كەتەيىك، باقىت كۇرىشبەكوۆ 2022-جىلى 13-ماۋسىمدا الماتى وبلىسى تالعار اۋدانى تالعار قالاسىنىڭ اكىمى بولىپ تاعايىندالعان بولاتىن.