تالانتتى بالالارعا مۇمكىندىك

جاقىندا الماتىدا ەلىمىزدىڭ شالعاي ايماقتارىنان كەلگەن جاس فۋتبولشىلارعا ارنالعان ىرىكتەۋ جيىنى باستالدى. 12 جاستاعى 16 قاتىسۋشى «قايرات» فۋتبول كلۋبى اكادەمياسىندا شەبەرلىگىن شىڭداۋعا مۇمكىندىك الدى.

ءىس- شارا «قايرات» ف ك مەن كوممەرتسيالىق ەمەس Supernovas by inDrive جوباسىنىڭ ىنتىماقتاستىعى اياسىندا ءوتتى. بۇل جوبا شاعىن قالالار مەن اۋىلداردا بالالار سپورتىن جاپپاي دامىتۋعا باعىتتالعان. 2022-جىلى ىسكە قوسىلعان جوبا قازىردىڭ وزىندە 650 دەن اسا بالا قاتىساتىن 9 فۋتبول سەكتسياسىن اشتى. جيىننىڭ نەگىزگى ماقساتى - بالالارعا تۇراتىن جەرىنە قاراماستان تەڭ مۇمكىندىك بەرۋ.

«Supernovas جوباسى اۋىل مەن قالا بالالارىنىڭ تەڭدەي جاعداي جاساۋىنا، بىردەي جاتتىعۋ مۇمكىندىگىنە يە بولۋعا ارنالعان. ولاردى بۇل جيىنعا قاتىستىرا وتىرىپ، ءوزىن كورسەتۋگە، الەۋەتىن اشۋعا مۇمكىندىك بەرگىمىز كەلەدى»، دەپ ءتۇسىندىردى جوبانىڭ مەنەدجەرى توقتار ەسكەندىروۆ.

بيىلعى ىرىكتەۋ جيىنىنا ەلىمىزدىڭ ايماقتارىنان 16 بالا تاڭدالعانىن «قايراتتىڭ» باس ديرەكتورى اسقار ەسىموۆ بىلاي جەتكىزدى: «قايرات» ءداستۇرلى تۇردە ەلىمىزدىڭ تۇكپىر- تۇكپىرىنەن ەڭ ۇزدىك جاس فۋتبولشىلاردى جيناپ تۇرادى. ىرىكتەۋگە قاتىسۋ - بالالاردى ىنتالاندىرادى ءارى زور تاجىريبە. ءبىز Supernovas جوباسىمەن سەرىكتەس بولعانىمىزعا قۋانىشتىمىز جانە سەرىكتەستىگىمىز ارى قاراي دا جالعاساتىنىنا ءۇمىتتىمىز. فۋتبول اكادەميامىز - قازىرگى ۋاقىتتا ەلدەگى ەڭ مىقتى اكادەميا جانە ەل فۋتبولىن ۇلكەن ارەنادا ايگىلى ەتەتىن تالانتتاردى ىزدەيدى».

قاتىسۋشىلار باتىس قازاقستان، اقتوبە، ۇلىتاۋ، ماڭعىستاۋ، سولتۇستىك قازاقستان، تۇركىستان وبلىستارىنىڭ شالعاي اۋىلدارىنان ىرىكتەلدى. مىسالى، باتىس قازاقستان وبلىسىنىڭ جانىبەك اۋىلىنان ەسىمجان ەسىمعالي، ماديار ەسەنوۆ، بەيبارىس اسقار، ءاليحان تۇياق، نۇرمۇحاممەد ەسەت، ەنەل سانسىزبايەۆ كەلسە، اقتوبە وبلىسى شالقار قالاسىنان اسلان رۋسلان ۇلى، ەراسىل نۇرلان ۇلى، المات التايەۆ، نۇريمان مۇحانبەتجان «قايراتتىڭ» بازاسىندا ءبىر اپتا بويى ونەر كورسەتۋ مۇمكىندىگىنە يە بولدى. سونداي- اق ۇلىتاۋ وبلىسى ۇلىتاۋ اۋىلىنان - اسلان ساقتاعان، بەكسۇلتان جەزدىبەك، فورت- شيەۆچەنكو قالاسىنان (ماڭعىستاۋ وبلىسى) - جانسەيىت جۇمابەك، دياس جايلاۋ، بلاگوۆەشەنكا اۋىلىنان (س ق و) - نۇريسلام ەسماعامبەتوۆ، تۇركىستان وبلىسى ىنتىماق اۋىلىنان ءالينۇر اباي ۇلى كاسىبي فۋتبول بازاسىندا العاش رەت بولدى.

ءىس-شارا ءبىر اپتاعا سوزىلدى. باعدارلامادا اكادەميا جاتتىقتىرۋشىلارى وتكىزەتىن جاتتىعۋلار، شەبەرلىك ساباقتارى، 2012 -جىلعى «قايرات» اكادەمياسىنىڭ كومانداسىمەن جولداستىق ماتچ وتكىزدى.

الماس ماناپ

egemen.kz