تالاپكەرلەر eGov.kz پورتالىندا ءبىلىم بەرۋ گرانتتارىنا ءوتىنىم بەرە الادى

استانا. قازاقپارات – 13-شىلدەدەن باستاپ قازاقستاندا ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن ءوتىنىم قابىلداۋ باستالادى.

تالاپكەرلەر وتىنىمدەردى ەلەكتروندىق ۇكىمەت پورتالى eGov.kz ارقىلى ونلاين فورماتتا تاپسىرا الادى. قابىلداۋ ۋاقىتى 13-شىلدە كۇنى ساعات 09:00 دە باستالىپ، 20-شىلدە كۇنى ساعات 18:00 دە اياقتالادى.

2024-جىلى كونكۋرسقا قاتىسۋ ءۇشىن 104 مىڭنان استام ءوتىنىم كەلىپ تۇسكەن. ونىڭ ىشىندە 5 مىڭنان استامى eGov.kz پورتالى ارقىلى جىبەرىلدى. بۇل - تالاپكەرلەردىڭ ونلاين فورماتقا دەگەن قىزىعۋشىلىعىنىڭ ارتىپ كەلە جاتقانىنىڭ كورسەتكىشى.

ەلەكتروندىق ۇكىمەت پورتالى ارقىلى ءوتىنىم بەرۋ ءۇشىن تالاپكەرلەر الدىن الا ءبىرقاتار قۇجاتتى دايىنداۋى قاجەت. وتىنىمگە كەلەسى قۇجاتتاردىڭ تسيفرلىق كوشىرمەلەرى قوسا تىركەلۋى ءتيىس: ءبىلىم تۋرالى قۇجات (اتتەستات نەمەسە ديپلوم) ، 3x4 فورماتىنداعى فوتوسۋرەت، سونداي-اق قاجەت بولعان جاعدايدا دارىگەرلىك-كونسۋلتاتسيالىق كوميسسيانىڭ قورىتىندىسى.

قىزمەت شەڭبەرىندە جەكەلەگەن ساناتتاعى ستۋدەنتتەر ءۇشىن الەۋمەتتىك قولداۋعا ءوتىنىم بەرۋ مۇمكىندىگى دە قاراستىرىلعان. مۇنداي جاعدايدا ءتيىستى مارتەبەنى راستايتىن قۇجاتتار - مىسالى، اتا-اناسىنىڭ قايتىس بولعانى تۋرالى كۋالىك، مۇگەدەكتىك تۋرالى انىقتامالار، جەتىم مارتەبەسىن راستايتىن قۇجاتتار جانە قازاقستان زاڭناماسىندا كوزدەلگەن وزگە دە قۇجاتتار ۇسىنىلۋى ءتيىس.

قىزمەتتى الۋ ءۇشىن پايدالانۋشىعا كەلەسى قادامداردى ورىنداۋ قاجەت:

- eGov.kz پورتالىنا كىرىپ، اۆتوريزاتسيادان ءوتىپ، «ازاماتتارعا» - «ءبىلىم بەرۋ» - «جوعارى ءبىلىم» ءبولىمىن تاڭداۋ؛

- «ءبىلىم بەرۋ گرانتتارىن تاعايىنداۋ، سونداي-اق جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىندا ءبىلىم الۋشىلارعا الەۋمەتتىك قولداۋ كورسەتۋ» قىزمەتىن تاڭداۋ قاجەت؛

- «قىزمەتكە ونلاين تاپسىرىس بەرۋ» باتىرماسىن باسۋ كەرەك؛

- بارلىق مىندەتتى جولدى تولتىرىپ، ءوتىنىمدى قول قويۋدىڭ قولجەتىمدى ادىستەرىنىڭ بىرىمەن راستاۋ؛

- جەكە كابينەتتەگى «قىزمەتتەردى الۋ تاريحى» بولىمىندە ءوتىنىمدى وڭدەۋ تۋرالى حابارلامامەن تانىسۋ. حابارلاما كورسەتىلگەن مەرزىمدە جىبەرىلەدى.

قىزمەت كورسەتۋ ناتيجەسى - ءبىلىم بەرۋ گرانتىن تاعايىنداۋ تۋرالى ەلەكتروندىق كۋالىك. قۇجات ەلەكتروندىق فورماتتا بەرىلەدى جانە 2025-جىلعى 5-تامىزدان كەشىكتىرىلمەي eGov.kz پورتالىنداعى جەكە كابينەتتە قولجەتىمدى بولادى.

وتىنىمدەر اعىنىن بىركەلكى ءبولۋ جانە پايدالانۋشىلارعا ىڭعايلى بولۋ ءۇشىن eGov.kz پورتالىندا كۇتۋ پاراعى جاڭا فۋنكسياسى ىسكە قوسىلدى. بۇل جۇيە پايدالانۋشىلاردى ەلەكتروندىق كەزەككە تىركەپ، ءوتىنىم بەرۋ قىزمەتىن كەزەكپەن ۇسىنادى - پاراقتى جاڭارتۋدىڭ قاجەتى جوق.

سونىمەن قاتار SMS- حابارلامالار جۇيەسى دە كوزدەلگەن: ءوتىنىم بەرۋ كەزىندە پايدالانۋشى «كەزەكتىڭ جاقىنداۋى تۋرالى SMS- حابارلاما جىبەرۋ» جالاۋشاسىن بەلگىلەي الادى. پايدالانۋشىنىڭ كەزەگى جاقىنداعان كەزدە 1414 قىسقا نومىرىنەن تىركەلگەن ۇيالى تەلەفون نومىرىنە حابارلاما جىبەرىلەدى. ەگەر ءنومىر ءموبيلدى ازاماتتار بازاسىندا تىركەلمەگەن بولسا، جۇيە ونى ەنگىزۋدى ۇسىنادى.

قىزمەتكە ءساتتى قول جەتكىزۋ ءۇشىن ءوتىنىم بەرمەي تۇرىپ براۋزەر بەتىن جاپپاۋ نەمەسە جاڭارتپاۋ ماڭىزدى.

قىزمەت ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك كورسەتىلەتىن قىزمەتتەر كوميتەتى، «ۇلتتىق اقپاراتتىق تەحنولوگيالار» ا ق جانە قازاقستان رەسپۋبليكاسىنىڭ عىلىم جانە جوعارى ءبىلىم مينيسترلىگى اراسىنداعى ىنتىماقتاستىق اياسىندا ىسكە قوسىلىپ، جاڭعىرتىلدى.

ەسكە سالا كەتەيىك، بۇعان دەيىن E-archive پلاتفورماسى ىسكە قوسىلاتىنىن جانە ەلىمىزدەگى ارحيۆ قۇجاتتاردىڭ % ەلەكتروندىق فورماتقا كوشىرىلەتىنىن حابارلاعان ەدىك.