استانا. KAZINFORM - تاجىكستاننىڭ ۇلەمدەر كەڭەسى سايدمۋكاررام ابدۋلكوديرزودانى دۋشانبەدەگى ورتالىق مەشىت جانىندا جاراقاتتادى، دەپ حابارلايدى وسى ەلدىڭ حوۆار اگەنتتىگى.
تاجىكستان ىشكى ىستەر مينيسترلىگىنىڭ حابارلاۋىنشا، بۇگىن ساعات 12:20-دا دۋشانبەدەگى مەشىت جانىندا ادامداردىڭ ءبىرى نامازدان سوڭ تاجىكستان ۇلەمدەر كەڭەسىنىڭ ءتوراعاسى ابدۋلكوديرزودا سايدمۋكاررامدى قوعامدىق ءتارتىپتى بۇزىپ، بۇزاقىلىق نيەتپەن پىشاق تەكتەس زاتپەن جاراقاتتاعان.
قۇقىق قورعاۋ ورگانى وكىلدەرىنىڭ جەدەل ارەكەتىنىڭ ارقاسىندا بۇزاقى ۇستالدى. سايدمۋكاررام ابدۋلكوديرزودا جەڭىل جاراقات الدى. ونى مەديتسينالىق تەكسەرۋدەن سوڭ ۇيىنە جەتكىزىپ تاستادى.
اتالعان فاكت بويىنشا ىشكى ىستەر ورگانىنىڭ وكىلدەرى قىلمىستىق ءىس قوزعاپ، الدىن الا تەرگەۋ ءجۇرىپ جاتىر.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан