تاجىكستاندا «ۇلتتىق مادەنيەتكە جات» كيىم كيۋگە تىيىم سالىندى

استانا. KAZINFORM - تاجىكستان رەسپۋبليكاسىنىڭ پرەزيدەنتى ەمومالي راحمون «تاجىكستان رەسپۋبليكاسىنداعى مەرەكەلەر مەن ادەت-عۇرىپتاردى رەتتەۋ تۋرالى» زاڭعا قول قويدى.

ول ەلدە «ۇلتتىق مادەنيەتكە جات» كيىم كيۋگە تىيىم سالىناتىنىن مالىمدەدى. بۇل تۋرالى حوۆار اقپارات اگەنتتىگى جازدى.

ەمومالي راحمون 35 زاڭعا قول قويدى، ونىڭ ىشىندە «تاجىكستان رەسپۋبليكاسىنداعى مەرەكەلەر مەن ادەت- عۇرىپتاردى رەتتەۋ تۋرالى»، «بالانى وقىتۋ مەن تاربيەلەۋدەگى جاۋاپكەرشىلىك تۋرالى»، «تاجىك ۇلتتىق ۋنيۆەرسيتەتى تۋرالى»، «تاجىكستان ۇلتتىق ۋنيۆەرسيتەتى تۋرالى»، «ەسەپتەۋ كورسەتكىشتەرى تۋرالى» زاڭدار جانە ت. ب. بار.

«تاجىكستان رەسپۋبليكاسىنداعى مەرەكەلەر مەن ادەت- عۇرىپتاردى رەتتەۋ تۋرالى» زاڭدا باسقالارمەن قاتار «ۇلتتىق مادەنيەتكە جات» كيىم كيۋگە جانە ساتۋعا تىيىم سالىنادى. زاڭدى ورىنداماعانى ءۇشىن ايىپپۇل قاراستىرىلعان. بۇل رەتتە كيىمنىڭ قاي ءتۇرى «ۇلتتىق مادەنيەتكە جات» دەپ سانالاتىنى ناقتى كورسەتىلمەگەن.

حوۆار مالىمەتىنشە، جاڭا رەداكسياداعى زاڭدار ۇلتتىق مادەنيەتتىڭ شىنايى قۇندىلىقتارىن قورعاۋعا، مەرەكەلەر مەن سالت-داستۇرلەردى وتكىزۋ كەزىندە ىرىمشىلدىق پەن نانىم-سەنىمگە، ىسىراپشىلدىققا جول بەرمەۋگە، تاجىكستان حالقىنىڭ رۋحاني جانە الەۋمەتتىك-ەكونوميكالىق دەڭگەيىن كوتەرۋگە، سونداي-اق بالانىڭ قۇقىقتارى مەن بوستاندىقتارىن قورعاۋ، بالانى ادامگەرشىلىك، پاتريوتتىق ماقتانىش، ۇلتتىق جانە جالپى ادامزاتتىق قۇندىلىقتاردى قۇرمەتتەۋ رۋحىندا وقىتۋ جانە تاربيەلەۋگە باعىتتالعان.

قول قويىلعان زاڭدار باسپا سوزدە جاريالانادى.

اقپاراتتى «حوۆار» سەرىكتەس اگەنتتىگى Kazinform ءۇشىن ارنايى ۇسىندى.

اۆتور

زارينا تۋعانبايەۆا