تاڭعى اس ىشپەۋ جۇرەك اۋرۋلارىنا اكەلەدى

استانا. قازاقپارات - گارۆارد مەكتەبىنىڭ ماماندارى جۇرگىزگەن جاڭا زەرتتەۋ تاڭعى اس ىشپەۋ جۇرەك اۋرۋلارىنا اكەلۋ قاۋپىن ارتتىراتىنىن كورسەتتى، دەپ جازادى rosbalt.ru.

بۇدان باسقا، زەرتتەۋدە بىرنەشە ماڭىزدى جايتتار بار. بىرىنشىدەن، ءبالىش، فاستفۋد سياقتى مايلى، زياندى تاعام جەسە، جۇرەك اۋرۋلارىنان قاشىپ قۇتىلا المايسىز.

ەكىنشىدەن، تاڭعى اس دەنساۋلىققا وڭ اسەر ەتەتىن دۇرىس داعدىلاردىڭ ءبىرى عانا. ءبىراق بۇل جەردە دەنساۋلىققا نە پايدالى ەكەنىن ءبىلۋ اسا ماڭىزدى.

عالىمدار رەسپوندەنتتەردىڭ ءبىر كۇندە تاعام جەۋ جيىلىگىن زەردەلەدى، سودان كەيىن 1992 - جىلدان باستاپ 2008 - جىل ارالىعى بويىنشا 26902 ەر مەديسينالىق قىزمەتكەرلەردىڭ ءومىرىن باقىلاۋعا العان. تاجىريبە باستاعان ۋاقىتتا ەرلەردىڭ جاسى 45 پەن 82 جاس ارالىقتارىن قامتىعان.

زەرتتەۋ تاڭعى اس ىشكەن رەسپوندەنتتەرگە قاراعاندا، تاڭعى اس ىشپەگەن ەرلەردىڭ 27 پايىزدان استامى جۇرەك تالماسىنا بەيىم بولعانىن نەمەسە جۇرەكتىڭ يشەميالىق اۋرۋىنان قازا تاپقاندىعىن كورسەتتى.

ماماندار تاڭعى اسقا اق ۋىز، كوكونىس، ءداندى داقىلدان جاسالعان بوتقا تۇتىنۋدى ۇسىنادى. ەگەر كۇنىنە 2000-عا جۋىق كولوريا تۇتىنسا، وندا ونىڭ 200-دەن 600-گە دەيىن كولورياسى تاڭەرتەڭگىلىك استا بولادى.

بۇل مايسىزداندىرىلعان سۇتپەن كوفە، كوكونىس جانە جاڭعاقتار قوسىلعان سۇلى جارماسى نەمەسە جەمىستەرمەن جۇمىرتقا بولۋى مۇمكىن.