تاۋارلىق گازدىڭ كوتەرمە باعاسى بەكىتىلدى

استانا. KAZINFORM - ەنەرگەتيكا ءمينيسترىنىڭ بۇيرىعىمەن ەلىمىزدە تاۋارلىق گازدىڭ كوتەرمە شەكتى باعاسى بەكىتىلدى.

- گاز باعاسىن قالىپتاستىرۋ ماسەلەسىنىڭ الەۋمەتتىك ماڭىزدىلىعىن ەسكەرە وتىرىپ، كەزەڭ- كەزەڭمەن جۇزەگە اساتىن مەحانيزم تاڭدالدى. ماڭىزدى ەسكەرتۋ - بۇل تەك كوتەرمە باعالارعا قاتىستى. حالىق ءۇشىن تۇپكىلىكتى بولشەك تاريفتەر زاڭناماعا سايكەس جەكە قالىپتاسادى جانە ۋاكىلەتتى ورگاندارمەن بارلىق شىعىن كومپونەنتتەرىن ەسكەرە وتىرىپ بەكىتىلەدى. سونىمەن قاتار، الەۋمەتتىك وسال توپتاردى قورعاۋعا ەرەكشە نازار اۋدارىلادى. قوسىمشا شىعىنداردى وتەۋ ءۇشىن «الەۋمەتتىك ءاميان» مەحانيزمى جانە باسقا دا مەملەكەتتىك قولداۋ قۇرالدارى قولدانىلادى. مەملەكەتتىك قولداۋ شارالارى اياسىندا كەيبىر تۇتىنۋشىلار ساناتى ءۇشىن تاۋارلىق گازعا 24 پايىزعا دەيىن جەڭىلدىك قاراستىرىلعان. بۇل شارا الەۋمەتتىك ءالسىز توپتاردىڭ ەنەرگيا رەسۋرستارىنا تۇراقتى قولجەتىمدىلىگىن قامتاماسىز ەتىپ، ولاردىڭ قارجىلىق جۇكتەمەسىن ازايتۋعا باعىتتالعان، - دەپ اتاپ وتەدى ۆەدومستۆودان.

سونىمەن، قۇجاتقا سايكەس، تاۋارلىق گازدىڭ شەكتى باعاسى 2025-جىلدىڭ 1-شىلدەسىنەن 2026-جىلدىڭ 30-ماۋسىمىنا دەيىن وڭىرلەردە قوسىلعان قۇن سالىعىن ەسەپكە الماعاندا 1 مىڭ تەكشە مەترى ءۇشىن ءىرى كوممەرتسيالىق تۇتىنۋشىلار مەن ماينەرلەرگە مىناداي بولادى:

استانا جانە اقمولا وبلىسى - 72846 تەڭگە؛

الماتى جانە الماتى وبلىسى - 76686 تەڭگە؛

شىمكەنت - 71122 تەڭگە؛

اقتوبە وبلىسى - 54933 تەڭگە؛

اتىراۋ وبلىسى - 41993 تەڭگە؛

باتىس قازاقستان وبلىسى - 55365 تەڭگە

جامبىل وبلىسى 70639 تەڭگە؛

جەتىسۋ وبلىسى - 76686 تەڭگە؛

قاراعاندى وبلىسى - 72846 تەڭگە؛

قوستاناي وبلىسى - 62951 تەڭگە؛

قىزىلوردا وبلىسى - 59179 تەڭگە؛

ماڭعىستاۋ وبلىسى - 57649 تەڭگە؛

تۇركىستان وبلىسى - 71122 تەڭگە؛

ۇلىتاۋ وبلىسى - 72846 تەڭگە؛

شىعىس قازاقستان وبلىسى - 13069 تەڭگە.

ىشكى نارىقتاعى تاۋارلىق گازدىڭ كوتەرمە شەكتى باعاسى 2025-جىلدىڭ 1-شىلدەسىنەن 2026-جىلدىڭ 30-ماۋسىمىنا دەيىن وڭىرلەردە قوسىلعان قۇن سالىعىن ەسەپكە الماعاندا 1 مىڭ تەكشە مەترى ءۇشىن مىناداي بولادى:

استانا جانە اقمولا وبلىسى - 39979 تەڭگە؛

الماتى جانە الماتى وبلىسى - 39044 تەڭگە؛

شىمكەنت - 38349 تەڭگە؛

اقتوبە وبلىسى - 17854 تەڭگە؛

اتىراۋ وبلىسى - 20308 تەڭگە؛

باتىس قازاقستان وبلىسى - 19166 تەڭگە

جامبىل وبلىسى 37414 تەڭگە؛

جەتىسۋ وبلىسى - 39044 تەڭگە؛

قاراعاندى وبلىسى - 39979 تەڭگە؛

قوستاناي وبلىسى - 33379 تەڭگە؛

قىزىلوردا وبلىسى - 18204 تەڭگە؛

ماڭعىستاۋ وبلىسى - 26993 تەڭگە؛

تۇركىستان وبلىسى - 38349 تەڭگە؛

ۇلىتاۋ وبلىسى - 39979 تەڭگە؛

شىعىس قازاقستان وبلىسى - 7563 تەڭگە.

بۇعان دەيىن قازاقستاننىڭ سولتۇستىگىن گازداندىرۋ ماسەلەسى قالاي شەشىلىپ جاتقانىن جازعان ەدىك.