ەت يمپورتى بويىنشا كۆوتا قالاي بولىنەدى

ءتيىستى بۇيرىق جوباسى «اشىق ن ق ا» پورتالىندا قوعامدىق تالقىلاۋعا شىعارىلدى.

قۇجاتقا سايكەس، تاريفتىك كۆوتا ۇلەسىن تاريحي جانە جاڭا ءونىم بەرۋشىلەر اراسىندا 80/20 اراقاتىناسىندا ءبولۋ ۇسىنىلىپ وتىر.

- جوبا بۇيرىعىمەن قازاقستان رەسپۋبليكاسىنا ەتتىڭ جەكەلەگەن تۇرلەرىن اكەلۋگە ارنالعان تاريفتىك كۆوتالاردى سىرتقى ساۋدا قىزمەتىنە قاتىسۋشىلار اراسىندا ءبولۋ قاعيدالارىن قايتا بەكىتۋ، سونداي-اق تاريفتىك كۆوتا ۇلەسىن تاريحي جانە جاڭا ءونىم بەرۋشىلەر اراسىندا تيىسىنشە 80/20 اراقاتىناسىندا قايتا ءبولۋ كوزدەلەدى،-دەلىنگەن قۇجاتتا.

جوبا قازاقستان رەسپۋبليكاسى ادىلەت مينيسترلىگىنىڭ نورماتيۆتىك قۇقىقتىق اكتىلەردى مەملەكەتتىك تىركەۋگە قاتىستى تالاپتارىنا، سونداي-اق 2026-جىلعى 5 -ماۋسىمدا وتكەن سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيا وتىرىسىنىڭ حاتتاماسىنا سايكەس ازىرلەنگەن.

قۇجات بويىنشا قوعامدىق تالقىلاۋ 9-قىركۇيەككە دەيىن جالعاسادى.

ايتا كەتەيىك، ەت ءونىمىنىڭ ەكسپورتى 50 پايىز وسكەنىن جازعانبىز.

سونىمەن قاتار ورالدا ەت ونىمدەرىن «جالعان» سەرتيفيكاتتاۋ دەرەگى انىقتالعان ەدى.