تەڭگە ەڭ تارتىمدى ۆاليۋتالاردىڭ ءبىرى - تيمۋر سۇلەيمەنوۆ
استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ تەڭگە باعامىنا قاتىستى قازىرگى احۋالعا وراي پىكىر ءبىلدىردى.
- قازاقستان تەڭگەسى ءوزىنىڭ تۇراقتىلىعىن دالەلدەدى. ەستەرىڭىزدە بولسا، جەكەلەگەن ساراپشىلار كەزىندە 1 دوللار مىڭ تەڭگە، 2 مىڭ تەڭگە بولاتىنىن ايتقان ەدى. سول ۋاقىتتا ءبىز وعان ىرگەلى دە، نارىقتىق دا العىشارتتاردىڭ مۇلدەم جوق ەكەنىن ايتقان بولاتىنبىز. دەگەنمەن، تاجىريبە كورسەتىپ وتىرعانداي، تەڭگە - تۇراقتى ۆاليۋتا. وتكەن جىلدىڭ قورىتىندىسىندا ول وتە جاقسى تابىستىلىعىن كورسەتتى. قازىرگى ۋاقىتتتا ەڭ تارتىمدى ۆاليۋتالاردىڭ ءبىرى. سىزدەر دە حالىقارالىق رەيتينگتەردەن، باسقالارىنان كورىپ وتىرسىزدار، - دەدى ۇلتتىق بانك ءتوراعاسى ءماجىلىستىڭ جالپى وتىرىسىنان كەيىنگى بريفينگىدە.
ونىڭ پايىمىنشا، ءدال قازىرگى ۋاقىتتا قازاقستاندا تاۋەكەل مەن تابىستىلىق اراقاتىناسى الەمدەگى ەڭ ۇزدىكتەردىڭ ءبىرى سانالادى.
- سوندىقتان ول ينۆەستيتسيا تارتىپ، سوعان وراي تەڭگە نىعايا ءتۇستى، - دەدى تيمۋر سۇلەيمەنوۆ.
بۇعان دەيىن ۇلتتىق بانك ءتوراعاسى تيمۋر سۇلەيمەنوۆ دوللار باعامىنىڭ قۇلدىراۋ سەبەبىن اتاعان ەدى.