ءى ءى م ءۇشىن مەملەكەتتىك ورگاندارمەن جانە جۇرتشىلىقپەن ءوزارا ءىس-قيمىلداعى باسىم باعىتتاردىڭ ءبىرى - كامەلەتكە تولماعاندار اراسىنداعى جانە ولارعا قاتىستى قۇقىق بۇزۋشىلىقتىڭ الدىن الۋ.
وسى باعىتتا 7-8-تامىز ارالىعىندا استانا، شىمكەنت قالالارى مەن اباي وبلىسىنىڭ اۋماعىندا ماقساتتى پروفيلاكتيكالىق ءىس-شارالار جۇرگىزىلدى.
مۇنداي شارالاردىڭ نەگىزگى ماقساتى - جاسوسپىرىمدەر اراسىنداعى جانە ولارعا قاتىستى زاڭسىز ارەكەتتەردىڭ الدىن الۋ جانە ولاردى ەرتە كەزەڭدە انىقتاۋ.
- باستى نازار كامەلەتكە تولماعاندارعا قاتىستى قۇقىق بۇزۋشىلىقتارعا جول بەرمەۋ ماقساتىندا تۇنگى ۋاقىتتا ەرەسەكتەردىڭ قاراۋىنسىز جۇرگەن بالالاردى انىقتاۋعا اۋدارىلدى. ناتيجەسىندە تۇنگى ۋاقىتتا بالاسىنىڭ قايدا جۇرگەنىن باقىلاۋدى قامتاماسىز ەتپەگەن 480 نەن استام اتا-انا جاۋاپكەرشىلىككە تارتىلدى، - دەيدى ءتارتىپ ساقشىلارى.
ءىس-شارانىڭ تاعى ءبىر ماڭىزدى باعىتى - جاسوسپىرىمدەرگە الكوگول جانە تەمەكى ونىمدەرىن ساتۋ فاكتىلەرىنىڭ الدىن الۋ. وسى قۇقىق بۇزۋشىلىق ءۇشىن 28 كاسىپكەر جاۋاپكەرشىلىككە تارتىلدى.
ءى ءى م ءبىرىنشى كەزەكتە الدىن الا ارەكەت ەتۋگە باعىتتالعان پروفيلاكتيكالىق جۇمىستىڭ ماڭىزىن اتاپ وتەدى. ماسەلەنى ۋاقىتىلى انىقتاپ، ونىمەن ناقتى جۇمىس جۇرگىزۋ ارقىلى قۇقىق بۇزۋشىلىقتىڭ الدىن الۋعا جانە بالانىڭ قاۋىپسىزدىگىن قامتاماسىز ەتۋگە بولادى.
ءى ءى م بالالاردىڭ قاۋىپسىزدىگى ورتاق جاۋاپكەرشىلىك ەكەنىن اتاپ كورسەتەدى. پوليتسيا وزىنە جۇكتەلگەن مىندەتتەردى ورىنداۋمەن قاتار، اتا-انالاردىڭ دا ءرولى ماڭىزدى ەكەنىن ەسكە سالادى. اتا-انالار بالاسىنىڭ قايدا جۇرگەنىن، كىممەن ارالاساتىنىن، نەمەن اينالىساتىنىن جانە بوس ۋاقىتىن قالاي وتكىزەتىنىن ءبىلۋى ءتيىس.
ءوز كەزەگىندە پوليتسيا كامەلەتكە تولماعانداردىڭ قۇقىقتارىن قورعاۋعا باعىتتالعان پروفيلاكتيكالىق ءىس-شارالاردى تۇراقتى تۇردە جالعاستىرىپ، بالالاردىڭ قاۋىپسىزدىگىن قامتاماسىز ەتۋ جانە قۇقىق بۇزۋشىلىقتاردىڭ الدىن الۋ بويىنشا بارلىق قاجەتتى شارالاردى قابىلدايدى.