ت م د ىشىندە قازاقستان ەڭ باقىتتى ەل رەتىندە تانىلدى

استانا. KAZINFORM - جىل سايىن جۇرگىزىلەتىن دۇنيەجۇزىلىك باقىت بايانداماسى دەرەكتەرى بويىنشا قازاقستان وزبەكستاننان – 10، رەسەيدەن – 13، قىرعىزستاننان - 32 ورىنعا العا شىعىپ، 43- ورىنعا تابان تىرەدى.

وسىلايشا، ەلىمىز ت م د- عا مۇشە مەملەكەتتەر رەيتينگىندە ەڭ باقىتتى ەل رەتىندە تانىلىپ، كوش باستاپ تۇر.

2024 -جىلى قازاقستان اتالعان تىزىمدە 49- ورىندا بولعان. دۇنيەجۇزىلىك باقىت بايانداماسى - 140-تان استام ەلدىڭ دەرەكتەرى نەگىزىندە جاسالاتىن جانە جىل سايىن Gallup، بىرىككەن ۇلتتار ۇيىمى، وكسفورد ۋنيۆەرسيتەتى جاريالايتىن رەيتينگ.

- باقىت دەڭگەيى وبەكتيۆتى دەرەكتەردى - جان باسىنا شاققانداعى جالپى ىشكى ءونىم، الەۋمەتتىك قولداۋ، سالاۋاتتى ءومىر ءسۇرۋ ۇزاقتىعى، ەركىندىك، جومارتتىق جانە سىبايلاس جەمقورلىققا قارسى كوزقاراستى نازارعا الا وتىرىپ، الەمدىك Gallup ساۋالناماسى نەگىزىندە ەل تۇرعىندارىنىڭ سۋبەكتيۆتى باعالاۋىن ەسكەرەتىن بىرنەشە كريتەري بويىنشا انىقتالادى. مۇندا رەسپوندەنتتەر ءوز ومىرىنە كوڭىلى تولۋ دەڭگەيىن 0-دەن 10-عا دەيىنگى كورسەتكىش نەگىزىندە باعالايدى، - دەلىنگەن قۇجاتتا.

ايتا كەتەيىك، پرەمەر-مينيستر ولجاس بەكتەنوۆتىڭ مەملەكەت باسشىسى قاسىم-جومارت توقايەۆتىڭ ەل تىزگىنىن قولعا العانىنا التى جىل تولۋىنا وراي جۋىردا جارىق كورگەن ماقالاسىندا 2019 -جىلدان بەرى ەل حالقىنىڭ ءومىر ءسۇرۋ ۇزاقتىعى 73-تەن 75 جاسقا دەيىن ارتقانىن اتاپ ءوتتى. جالپى، ءولىم-ءجىتىم - %7,8- عا، انالار ءولىمى - &,3- عا، بالا ءولىمى - ,8- عا تومەندەدى.

ەسكە سالساق قازاقستان كرەاتيۆتى تاۋارلار مەن قىزمەتتەر رەيتينگىندە 65-ورىنعا شىققان ەدى.