ت م د س ءى م باسشىلارى پالەستينا- يزرايل قاقتىعىسىنا قاتىستى مالىمدەمە جاسادى

ت م د ەلدەرىنە مۇشە مەملەكەتتەردىڭ سىرتقى ىستەر مينيسترلەرى پالەستينا- يزرايل قاقتىعىسىنا قاتىستى مالىمدەمە جاسادى. بۇل تۋرالى كابار اگەنتتىگى حابارلايدى.

قازاقستان، ارمەنيا، بەلارۋس، قىرعىزستان، رەسەي، تاجىكستان مەن وزبەكستان رەسپۋبليكالارىنىڭ سىرتقى ىستەر مينيسترلىكتەرى پالەستينا- يزرايل ايماعىنداعى قاقتىعىستىڭ تەز ۋشىعىپ، اسكەري ءىس- قيمىلدىڭ كۇشەيۋى، ەكى تاراپتان كوپتەگەن بەيبىت تۇرعىننىڭ قازا بولۋىنا الاڭداۋشىلىق ءبىلدىردى.

س ءى م باسشىلارى ەكسترەميزم، تەرروريزم، تۇتقىنعا الۋ جانە بەيبىت تۇرعىندارعا قاتىستى باسقا دا كۇش كورسەتۋ امالدارىن سىنعا الدى.

گازا سەكتورى گۋمانيتارلىق اپات الدىندا تۇرعانىن ەسكەرتتى. مينيسترلەر حالىقارالىق گۋمانيتارلىق قۇقىق نورمالارىنا ساي ارەكەت ەتىپ، مۇقتاج جانداردىڭ بارىنە ازىق- تۇلىك، وتىن مەن مەديتسينالىق كومەك قۇرالدارىن جەتكىزۋگە اتسالىسۋ قاجەتتىگىنە باسا نازار اۋداردى.

سىرتقى ساياسات ۆەدومستۆولارىنىڭ باسشىلارى تاراپتاردى دەرەۋ سوعىس قيمىلدارىن توقتاتۋعا، وق اتۋدى توقتاتۋ جونىندە تۇراقتى رەجيمدى قامتاماسىز ەتىپ، بەيبىت تۇرعىندار ءۇشىن گۋمانيتارلىق ءدالىز اشۋعا شاقىردى.

سونداي- اق تاياۋ شىعىستا جالپىعا ورتاق، ءادىل جانە بەرىك بەيبىتشىلىكتى ورناتۋ ءۇشىن حالىقارالىق- قۇقىقتىق نەگىز، ونىڭ ىشىندە بىرىككەن ۇلتتار ۇيىمى مەن اراب بەيبىتشىلىك باستاماسىنىڭ شەشىمدەرىن نەگىزگە الىپ حالىقارالىق جانە وڭىرلىك ديپلوماتيالاردىڭ كۇش بىرىكتىرۋى ماڭىزدى ەكەنى اتاپ ءوتىلدى.

اۆتور

بالنۇر قوجاگەلدى