ت م د شەكارالارىندا 13 مىڭنان استام ءتارتىپ بۇزۋشى ۇستالدى
الماتى. KAZINFORM – ت م د دوستاستىعىنا كىرەتىن ەلدەردىڭ 2021-2025-جىلدارعا ارنالعان سىرتقى شەكارا قاۋىپسىزدىگىن نىعايتۋ جونىندەگى ىنتىماقتاستىق باعدارلاماسىنىڭ العاشقى قورىتىندىسى شىعارىلدى.
شەكارا اسكەرلەرى قولباسشىلارى كەڭەسىنىڭ ۇيلەستىرۋ قىزمەتىنىڭ ءتوراعاسى الەكساندر مانيلوۆتىڭ ايتۋىنشا، بيىل ت م د- عا قاتىسۋشى مەملەكەتتەردىڭ شەكارا قاۋىپسىزدىگىن نىعايتۋداعى 2021-2025-جىلدارعا ارنالعان ىنتىماقتاستىق باعدارلاماسى اياقتالادى.
- قازىر جوسپارلانعان ءىس-شارالاردىڭ 90 پايىزدان استامى ورىندالدى. ولاردىڭ كوپشىلىگى پراكتيكالىق سيپاتتا. ماسەلەن، بىرلەسكەن سەگىز ارنايى شەكارالىق وپەراتسيا بارىسىندا 13 مىڭنان استام مەملەكەتتىك شەكارا زاڭناماسىن بۇزۋشى، تەرروريستىك-ەكسترەميستىك ارەكەتكە قاتىسى بار 230 تۇلعا، ىزدەۋدە جۇرگەن 400 دەن استام ازامات ۇستالىپ، 800 كەلىگە جۋىق ەسىرتكى زاتتارى تاركىلەندى، - دەيدى ول.
ايتۋىنشا دوستاستىققا كىرەتىن ءاربىر مەملەكەتتىڭ قاۋىپسىزدىگى ونىڭ شەكاراسىنان باستالادى. ەڭ الدىمەن تەرروريزمگە، زاڭسىز كوشى-قونعا، ەسىرتكىگە جانە ۇيىمداسقان قىلمىسقا ەڭ ءبىرىنشى بارلىق شەكاراشى تاپ بولادى.
- قولباسشىلار كەڭەسى 2030-جىلعا دەيىنگى ورتا مەرزىمدى كەزەڭگە ارنالعان جاڭا باعدارلامانىڭ جوباسىن ازىرلەدى. ۇسىنىلعان باعدارلاما جوباسى حالىقارالىق قۇقىق قاعيداتتارى مەن جالپى العاندا حالىقارالىق قۇقىق قاعيداتتارى مەن ءتۇيىندى قۇجاتتارمەن كەلىسىلگەن، سونداي-اق ت م د ەلدەرىنىڭ حالىقارالىق قاعيداتتارى مەن ۇيلەسىمدىلىگى نەگىزىندە جاسالعان، - دەدى ول.
الەكساندر مانيلوۆ ونى دايىنداۋ كەزىندە سىرتقى شەكارالارداعى جاعدايدىڭ دامۋىن تالداۋ مەن بولجامداردىڭ ناتيجەلەرى، سونداي-اق الدىڭعى باعدارلامانىڭ قورتىندىسى ەسكەرىلگەنىن تىلگە تيەك ەتتى.
قۇجاتتا 70 تەن استام پراكتيكالىق شارا بار.
بۇعان دەيىن الماتىدا تاۋەلسىز مەملەكەتتەر دوستاستىعى سىرتقى ىستەر مينيسترلەرى كەڭەسىنىڭ وتىرىسى ءوتىپ جاتقانى تۋرالى جازعان ەدىك.
ايتا كەتەيىك، كۇزدە ت م د ەلدەرى س ءى م كەڭەسىنىڭ كەلەسى وتىرىسى دۋشانبەدە وتەدى.