تەڭگە كۋرسىنىڭ نىعايۋىنا نە ىقپال ەتتى

  جىل باسىنان بەرى تەڭگە 1 ا ق ش دوللارى ءۇشىن 458,24 تەڭگەگە دەيىن %1 نىعايدى. بۇل تۋرالى ق ر ۇلتتىق بانكى ءتوراعاسىنىڭ ورىنباسارى ۆيتالي تۋتۋشكين ايتتى، دەپ حابارلايدى Kazinform.

«جىل باسىنان ۇلتتىق قوردان ۆاليۋتا ساتۋ تەڭگەگە قولداۋ كورسەتتى. وسى ۋاقىتقا دەيىن 8,8 ميلليارد ا ق ش دوللارى ساتىلدى. سونداي- اق، جىل باسىنان بەرى مەملەكەتتىك باعالى قاعازدار نارىعىنا بەيرەزيدەنتتەردىڭ كاپيتال اعىنى 258 ميلليون دوللار بولدى»، - دەدى ۆيتالي تۋتۋشكين ۇكىمەتتىڭ بۇگىنگى وتىرىسىندا.

سپيكەردىڭ ايتۋىنشا، يمپورتتاۋشىلار تاراپىنان ماۋسىمدىق سۇرانىستىڭ ارتقانى بايقالادى. وعان جوبالاردى ىسكە اسىرۋ تسيكلىنىڭ جاندانۋى بارىنشا ىقپال ەتىپ وتىر.

«ۇلتتىق بانك ەركىن باعام بەلگىلەۋ رەجيمىن ۇستانۋدى جالعاستىرادى جانە ۆاليۋتالىق ينتەرۆەنتسيالار جۇرگىزبەيدى»، - دەپ تولىقتىردى ۆ. تۋتۋشكين.