استانا. KAZINFORM - قازاقستاندا بيىلعى شومىلۋ ماۋسىمى باستالعالى سۋعا باتىپ قازا بولعان بالالاردىڭ بارلىعى ەرەسەكتەردىڭ قاراۋىنسىز بولعان. بۇل تۋرالى ق ر توتەنشە جاعدايلار مينيسترلىگى Kazinform اگەنتتىگىنىڭ رەسمي ساۋالىنا بەرگەن جاۋابىندا ءمالىم بولدى.
مينيسترلىكتىڭ مالىمەتىنشە، بيىل شومىلۋ ماۋسىمى باستالعالى ەلىمىزدىڭ سۋ ايدىندارىندا 93 ادام سۋعا باتىپ قازا بولعان. ونىڭ 30 ى - كامەلەتكە تولماعاندار.
- ولاردىڭ بارلىعى ەرەسەكتەردىڭ قاراۋىنسىز بولعان. بالالاردى قاراۋسىز قالدىرۋ سۋداعى قايعىلى جاعدايلاردىڭ نەگىزگى سەبەپتەرىنىڭ ءبىرى سانالادى، - دەلىنگەن مينيسترلىكتىڭ جاۋابىندا.
ت ج م مالىمەتىنشە، قايعىلى جاعدايلارعا شومىلۋعا تىيىم سالىنعان جەرلەردە سۋعا ءتۇسۋ، جۇزە بىلمەۋ، ءوز كۇشىن اسىرا باعالاۋ جانە الكوگولدىك ماس كۇيدە سۋعا ءتۇسۋ سەبەپ بولادى.
ايتا كەتەيىك، مينيسترلىكتىڭ مالىمەتىنشە، بيىل سۋعا كەتكەندەردىڭ كوبى تىيىم سالىنعان جەردە كوز جۇمعان.
اۆتور
ۆەنەرا جولامان قىزى
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан