تەڭگە ءىلۋ: قازاقستان قورجىنىنا قوس التىن ءتۇستى
استانا. KAZINFORM - بۇگىن تەڭگە ىلۋدەن ەكى كەزەڭ ءوتتى. ەكەۋىندە دە قازاقستان سپورتشىلارىنىڭ مەرەيى ۇستەم بولدى.
«بەس بەلەس» كەزەڭىندە بەكنۇر سەرىكوۆ التىن يەلەندى. ەكىنشى ورىنعا موڭعول سپورتشىسى ايبولات ۇناتقان جايعاسسا، ۇزدىك ۇشتىكتى قىرعىز ادىلبەك كەنجەبەك ۋلى يەلەندى.
ال قوس قۇلاش بويىنشا قازاقستاندىق راحات قامباروۆ دارا شىقتى. موڭعول سپورتشىسى مەلس ناۋرىزبەك كۇمىسپەن كۇپتەلسە، قىرعىز اسقات تالايبەكوۆ قولاعا قول جەتكىزدى.
ەرتەڭ سپورتشىلار تەڭگە ءىلۋدىڭ جەتى قۇت تۇرىنەن سايىسقا تۇسەدى.
بۇگىن تەڭگە ىلۋدەن جارىس كۇنى باستالدى. 13 مەملەكەتتەن كەلگەن 31 سپورتشى ءوزارا جۇلدەنى ساراپقا سالادى.
ەسكە سالا كەتەيىك، بۇعان دەيىن قازاقستان كوكپاردان كوشپەندىلەر ويىنىنىڭ چەمپيونى اتانسا، قىرعىزستان كوك ءبورى كومانداسى دۇنيەجۇزىلىك كوشپەندىلەر ويىندارىنىڭ چەمپيونى اتاعىن جەڭىپ العانىن جازعان بولاتىنبىز.
اۆتور
ورالحان قوجانوۆ