تەڭگە ءىلۋ فەدەراتسياسى كوشپەندىلەر ويىنىنا دايىندىقتى باستادى
استانا. KAZINFORM - بۇگىن استانا قالاسىنداعى Qazaqstan جەڭىل اتلەتيكا كەشەنىندە ۇلتتىق سپورت قاۋىمداستىعىنىڭ تەڭگە ءىلۋ فەدەراتسياسى وڭىرلىك تەڭگە ءىلۋ سپورتىنىڭ جاتتىقتىرۋشىلارىمەن كەڭەيتىلگەن القا وتىرىسىن وتكىزدى.
استانا. KAZINFORM - بۇگىن استانا قالاسىنداعى Qazaqstan جەڭىل اتلەتيكا كەشەنىندە ۇلتتىق سپورت قاۋىمداستىعىنىڭ تەڭگە ءىلۋ فەدەراتسياسى وڭىرلىك تەڭگە ءىلۋ سپورتىنىڭ جاتتىقتىرۋشىلارىمەن كەڭەيتىلگەن القا وتىرىسىن وتكىزدى.
وتىرىستا فەدەراتسيا پرەزيدەنتى امانگەلدى ءابدىقادىروۆ فەدەراتسيانىڭ وتكەن جىلعى جۇمىسىن قورىتىندىلاپ، 2024 -جىلى رەسپۋبليكالىق جانە حالىقارالىق دەڭگەيدە وتەتىن شارالارعا توقتالدى.
ۇلتتىق سپورت تۇرلەرى قاۋىمداستىعىنىڭ ۆيتسە- پرەزيدەنتى تاستانبەك ەسەنتايەۆ بارلىق فەدەراتسيالارعا 5- دۇنيەجۇزىلىك كوشپەندىلەر ويىنىن جوعارى دەڭگەيدە وتكىزۋگە دايىندىقتى كۇشەيتۋ مىندەتى تۇرعانىن اتاپ ءوتتى.
وتىرىستا تەڭگە ءىلۋ سپورتىن ودان ءارى دامىتۋ جانە ويىن ەرەجەلەرىن ناقتىلى جۇيەگە كەلتىرىپ، جەتىلدىرۋ جاعى دا ءسوز بولدى.
جيىن قورىتىندىسى بويىنشا ۇلتتىق سپورتتى دامىتۋعا قوسقان ۇلەسى ءۇشىن ءبىرقاتار قاتىسۋشىلار فەدەراتسيانىڭ العىس حاتىمەن ماراپاتتالدى.
ايتا كەتەيىك، دۇنيەجۇزىلىك كوشپەندىلەر ويىندارى - ەتنيكالىق، ءداستۇرلى سپورت تۇرلەرى بويىنشا وتەتىن حالىقارالىق جارىس.
2014، 2016 جانە 2018 -جىلدارى قىرعىزستاننىڭ شولپان اتا قالاسىندا وتسە، 2022 -جىلى تۇركيانىڭ يزنيك شاھارىندا ءتورتىنشى دۇنيەجۇزىلىك ويىندار ۇيىمداستىرىلدى.
ەندى V دۇنيەجۇزىلىك كوشپەندىلەر ويىنى بيىل، ياعني 2024 -جىلى 8-14-قىركۇيەك ارالىعىندا استانا قالاسىندا وتەدى.
اۆتور
كۇنسۇلتان وتارباي