سەيسەنبىدە بۇكىل ەل اۋماعىندا قار جاۋادى
07:35, 19 - جەلتوقسان 2023
قازگيدرومەت ماماندارى 19-جەلتوقسان، سەيسەنبىگە ارنالعان اۋا رايى بولجامىن جاريالادى.
اتموسفەرالىق فرونتتاردىڭ اسەرىنەن ەلدىڭ بۇكىل اۋماعىندا تۇراقسىز قۇبىلمالى اۋا رايى ساقتالادى.
سولتۇستىكتە قار جاۋادى، كۇندىز سولتۇستىك- باتىستا تولاسسىز قار جاۋادى.
وڭتۇستىك-باتىستا، وڭتۇستىكتە، وڭتۇستىك-شىعىستا جاۋىن-شاشىن بولادى.
وڭتۇستىكتە، وڭتۇستىك-شىعىستا تۇندە جانە تاڭەرتەڭ قاتتى جاۋىن-شاشىن (جاڭبىر، قار) جاۋادى.
قازاقستان بويىنشا بوران سوعىپ، كوكتايعاق بولادى، ەكپىندى جەل تۇرادى.
باتىستا، وڭتۇستىك- باتىستا، وڭتۇستىكتە جانە وڭتۇستىك-شىعىستا تۇمان تۇسەدى.
اۆتور
جانات قاپالبايەۆا