سيريادا تەرروريستىك توپتىڭ قۇرامىندا بولعان قازاقستان ازاماتى تۇركيادان قازاقستانعا جەتكىزىلدى

10- قاراشادا ۇ ق ك قىزمەتكەرلەرى 2013 -جىلدان باستاپ سيريادا تەرروريستىك توپتار قۇرامىندا بولعان ق ر ازاماتىن تۇركيادان قازاقستانعا جەتكىزدى، دەپ حابارلايدى Kazinform.

ۇ ق ك باسپا ءسوز قىزمەتىنىڭ مالىمەتىنشە، ونىڭ راديكالدىق يدەيالاردان كوڭىلى قالعانى، ءوز ەركىمەن تەرروريستىك ارەكەتتەن باس تارتىپ، تۇركياعا وتكەنى جانە وتانىنا ورالۋ ءۇشىن بيلىك وكىلدەرىنە بەرىلۋدى شەشكەنى بەلگىلى.

ءوزىنىڭ ارەكەتىمەن ول باسقا سودىرلارعا ولاردىڭ ودان ءارى تەرروريستىك بەلسەندىلىك ايماقتارىندا بولۋدىڭ كەلەشەگى جوق ەكەنىن كورسەتپەك بولدى.

قازاقستانعا كەلگەننەن كەيىن ول قاماۋعا الىندى.

وعان قاتىستى قىلمىستىق كودەكستىڭ 257-بابى (تەرروريستىك توپ قۇرۋ، وعان باسشىلىق ەتۋ جانە ونىڭ ارەكەتىنە قاتىسۋ) بويىنشا قىلمىستىق ءىس تەرگەپ- تەكسەرىلىپ جاتىر.

ەرىكتى تۇردە بەرىلۋ فاكتىسى تەرگەۋ بارىسىندا ەسكەرىلەتىن بولادى.

اۆتور

ەلميرا ورالبايەۆا