استانا. KAZINFORM - سيرياداعى جاڭا بيلىك حالىق ساناعىن جۇرگىزىپ، جاڭا كونستيتۋتسيانى بەكىتۋ جانە ەركىن سايلاۋ وتكىزۋدى قامتيتىن «جول كارتاسىن» جاريالايدى. بۇل تۋرالى تۇرىكتىڭ Hürriyet گازەتى كەلتىرگەن دەرەككوزدەرگە سىلتەمە جاساي وتىرىپ Report اگەنتتىگى حابارلادى.
- جاڭا سيريانى قۇرۋدىڭ ۋاقىتى كەلدى. ۋاقىتشا اكىمشىلىك قۇرىلعاننان كەيىن «جول كارتاسى» جاريالانادى. جاڭا كونستيتۋتسيا بەكىتىلىپ، حالىق ساناعى جۇرگىزىلەدى جانە ەركىن سايلاۋ پروتسەسى ۇيىمداستىرىلادى، - دەپ جازادى باسىلىم.
ايتا كەتەيىك، رەسەيدىڭ سىرتقى ىستەر مينيسترلىگى باشار اساد بيلىكتى بەيبىت جولمەن تاپسىراتىنىن ايتىپ، ەلدەن كەتكەنىن مالىمدەگەن ەدى.
باشار اساد پەن ونىڭ وتباسى مۇشەلەرى ماسكەۋگە كەلدى.
پۋتين اسادقا ساياسي باسپانا بەردى.
سيريا اسكەريلەرى يراكقا كەتىپ قالدى.
تۇرىك تاراپى تۇركيادا تۇراتىن سيريالىق بوسقىنداردىڭ ەلىنە امان-ەسەن ورالۋى ءۇشىن بار كۇش-جىگەرىن سالادى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.