سيرياعا سالىنعان ءبىرقاتار سانكسيانىڭ كۇشى جويىلدى

استانا. قازاقپارات - ەۋروپالىق وداق سيرياعا سالعان ءبىراز سانكسيانىڭ كۇشىن ۋاقىتشا جويدى. شەشىم «كارى قۇرلىق» ەلدەرى سىرتقى ىستەر مينيسترلەرى كەڭەسىنىڭ وتىرىسىندا قابىلداندى.

بىلتىر قاراشادا اراب مەملەكەتىندەگى 318 جەكە جانە 86 زاڭدى تۇلعاعا سانكسيا سالىنعان ەدى. ەندى سولاردىڭ ىشىندەگى 5 قارجى ۇيىمى مەن سيريانىڭ ورتالىق بانكىنەن شەكتەۋ الىندى. مۇناي-گاز، ەنەرگەتيكا، كولىك جانە بانك سالالارىنا دا قاتىستى تىيىمدار جويىلدى.

ەۋرووداق 17- ناۋرىزدا سيرياعا دونورلىق كومەك بويىنشا 9-حالىقارالىق كونفەرەنتسيا وتكىزەدى. بۇگىندە سيريالىقتاردىڭ 90 پايىزدان استامى كەدەيشىلىكتە ءومىر سۇرەدى. ەلدەگى 16 جارىم ميلليون تۇرعىنعا شۇعىل گۋمانيتارلىق كومەك كەرەك.

كايا كاللاس، ەۋرووداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى:

-ءبىز سيريا، گازا سەكتورى جانە ليۆانداعى جاعدايدى تالقىلادىق. سانكسيالاردىڭ كۇشىن ۋاقىتشا جويعان سەبەبىمىز - سيريا ەكونوميكاسىن قالپىنا كەلتىرە باستاۋىمىز كەرەك. شەتەل اسقان سيريالىقتار وتانىنا ورالىپ، وسى ىسكە اتسالىسا الادى. گازا سەكتورىندا بەيبىت ءبىتىمنىڭ ەكىنشى كەزەڭى باستالدى. ەۋرووداق پالەستينا- يزرايل قاقتىعىسىن رەتتەۋدىڭ بىردەن ءبىر جولى ايماقتا 2 مەملەكەت قۇرۋ شەشىمىندە دەپ بىلەدى.

24.kz