سيريانىڭ رەسمي SANA اقپارات اگەنتتىگىنىڭ حابارلاۋىنشا، ءال-حادابا اۋدانىنداعى اسكەري نىساندا بولعان جارىلىستاردان ازىرگە ءتورت ادام جاراقات العانى بەلگىلى.
حابارلامادا بيلىك جارىلىستاردىڭ كوزى مەن سەبەبىن انىقتاۋ ءۇشىن تەرگەۋ باستاعانى ايتىلادى.
الەپپو توتەنشە جاعدايلار جانە اپات سالدارىن جويۋ جەدەل باسقارماسىنىڭ ديرەكتورى فەيسال مۇحاممەد ءالي جارىلىستاردىڭ جالعاسۋىنا بايلانىستى قۇتقارۋ توپتارى مەن جەدەل جاردەم وكىلدەرى باستاپقىدا ايماققا كىرۋدە قيىندىقتارعا تاپ بولعانىن مالىمدەدى.
ايماققا كىرە العان ازاماتتىق قورعانىس قىزمەتكەرلەرى جارالانعان 4 ادامدى قۇتقارعان. بەيبىت تۇرعىنداردىڭ قاۋىپسىزدىگىن قامتاماسىز ەتۋ جانە ەۆاكۋاتسيا جۇمىستارىن جەڭىلدەتۋ ءۇشىن جاقىن ماڭداعى ۇيلەردىڭ تۇرعىندارى ەۆاكۋاتسيالاندى، ال ايماققا اپاراتىن جولدار كولىك قوزعالىسى ءۇشىن جابىلدى.
بۇعان دەيىن سيريانىڭ رەسمي ءال-يحباريا تەلەارناسى ايماقتا قۋاتتى جارىلىستار بولعانىن حابارلاپ، ولاردىڭ سيپاتىن تەرگەۋدى باستاعان بولاتىن.
ەسكە سالا كەتەيىك، بۇعان دەيىن سيريا تۇرمەسىنىڭ بۇرىنعى باسشىسى ا ق ش- تا 60 جىلعا سوتتالعانىن حابارلاعان ەدىك.