ق ر سىرتقى ىستەر مينيسترلىگىنە رەسەي تاراپىنان، رەسەي فەدەراتسياسىنىڭ قاماۋعا الىنعان ازاماتتارى تۋرالى اقپارات پەن ولاردىڭ تۇرعان جەرىن بەرۋدى سۇراعان نوتا كەلىپ ءتۇستى. بۇل كونسۋلدىق جۇمىستاعى ستاندارتتى تاجىريبە بولىپ تابىلادى. ق ر س ءى م قۇقىق قورعاۋ ورگاندارىنا ءتيىستى سۇراۋ جىبەرەدى، - دەپ اتاپ ءوتتى مينيسترلىكتە.
ەستەرىڭىزگە سالا كەتسەك، تانىمال رەپەر ناۆاي باكيروۆ 13-قازاندا قىرعىزستاننان قازاقستانعا وتەر تۇستاعى «قورداي» وتكىزۋ پۋنكتىندە ۇستالدى. جامبىل وبلىستىق پوليتسيا دەپارتامەنتىنىڭ مالىمەتىنشە، ول مىنگەن كولىكتەن ەسىرتكى تابىلىپ، تاركىلەنگەن. ونەر يەسى ۋاقىتشا ۇستاۋ يزولياتورىنا قامالىپ، 15-قازاندا سوت ونى قاماۋعا الۋعا سانكسيا بەردى. قازىرگى ۋاقىتتا ەسىرتكى كونترابانداسى جانە ونى زاڭسىز ساقتاۋ باپتارى بويىنشا تەرگەۋ امالدارى جۇرگىزىلىپ جاتىر. مۋزىكانتتىڭ جەكە كونسەرتى 14- قازاندا استانادا ءوتۋى ءتيىس بولعان. الايدا بيلەت ساتۋشىلار كەشتىڭ «تەحنيكالىق سەبەپتەرگە بايلانىستى» وتپەيتىنىن حابارلاپ، كورەرمەندەرگە اقشاسى قايتارىلاتىنىن جەتكىزدى.