سىرتقى ىستەر مينيسترلىگى «تاليبان» قوزعالىسىنىڭ استاناداعى فورۋمعا شاقىرتىلۋىنا تۇسىنىك بەردى

استانا. KAZINFORM - ق ر سىرتقى ىستەر ءمينيسترىنىڭ ورىنباسارى رومان ۆاسيلەنكو استاناداعى حالىقارالىق فورۋمعا قاتىسۋعا «تاليبان» وكىلدەرىنىڭ شاقىرىلۋىنا قاتىستى تۇسىنىك بەردى.

«بىرىنشىدەن، ساۋدا-ەكونوميكالىق ىنتىماقتاستىققا باسا نازار اۋدارىلادى. ەكىنشىدەن، قازىر وسى ەلمەن جانە اۋعانستاندا جۇمىس ىستەپ جاتقان قازىرگى باسشىلىقپەن بارشا الەم قارىم-قاتىناسىن قۇرىپ جاتىر»، - دەدى رومان ۆاسيلەنكو سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، «تاليبان» قوزعالىسىنا قاتىستى ءالى دە بەلگىلى ءبىر سۇراقتار قالدى.

«ارينە، «تاليبان» قوزعالىسىنىڭ ايەلدەردىڭ ۇكىمەت قۇرامىندا بولۋى، ايەلدەردىڭ قۇقىقتارىن قورعاۋعا قاتىستى ءوز ۋادەلەرىن ورىنداۋىنا قاتىستى ماسەلە بار. ۇلتتىق ازشىلىق وكىلدەرىن بيلىككە تارتۋدا دا سۇراقتار بار. دەگەنمەن، «تاليبان» قوزعالىسى نەگىزىندەگى قازىرگى اكىمشىلىكتىڭ بولۋى - ول وبەكتيۆتى تۇردە مويىندالعان فاكت. اۋعانستان - ورتالىق ازياداعى وڭىرلىك كورشى. قازىرگى كەزدە مۇنداي ءوزارا ءىس-قيمىل ءبىزدىڭ مۇددەلەرىمىزگە سايكەس كەلەدى»، - دەدى ءمينيستردىڭ ورىنباسارى.

وسىعان دەيىن اۋعانستان بيلىگىندەگى «تاليبان» وكىلدەرى استاناداعى حالىقارالىق فورۋمعا قاتىسۋ ءۇشىن قازاقستانعا شاقىرتىلعانى ءمالىم بولدى.

بۇدان بۇرىن حابارلانعانداي، قازاقستان «تاليباندى» ەلدە تىيىم سالىنعان ۇيىمدار تىزىمىنەن شىعاردى.

 

اۆتور
رۋسلان عابباسوۆ