سيگەرۋ يسيبا جاپونيانىڭ جاڭا پرەمەر-ءمينيسترى بولدى

استانا. KAZINFORM - جاپونيانىڭ باسقارۋشى ليبەرالدى- دەموكراتيالىق پارتياسىنىڭ (ل د پ) ءتوراعاسى سيگەرۋ يسيبا ەلدىڭ 102-پرەمەر-ءمينيسترى بولىپ سايلاندى. نەگىزگى تومەنگى پالاتادا داۋىس بەرۋ قورىتىندىسى بويىنشا يسيبا 465-تەن 291 داۋىس الدى، دەپ جازادى ت ا س س.

كونستيتۋتسيالىق دەموكراتيالىق پارتيانىڭ جەتەكشىسى يەسيحيكو نودا 100 داۋىس جينادى.

قازىرگى ۋاقىتتا يسيبانىڭ كانديداتۋراسى ءۇشىن داۋىس بەرۋ پارلامەنتتىڭ جوعارعى پالاتاسىندا دا ءوتىپ جاتىر. وندا ل د پ باسقارۋشى كواليتسياسى جانە «كومەيتو» پارتياسى باسىمدىققا يە، ءبىراق تومەنگى پالاتانىڭ شەشىمى شەشۋشى ءرول اتقارادى.

4-قازاندا يسيبا مەن نەگىزگى مينيسترلەر پارلامەنتتە بايانداما جاسايدى. ال 9-قازاندا ونىڭ تومەنگى پالاتاسى 27-قازاندا مەرزىمىنەن بۇرىن سايلاۋ وتكىزۋ ءۇشىن تاراتىلادى. يسيبا بۇل جوسپاردى 30-قىركۇيەكتە ل د پ جاڭا باسشىلىعىن تانىستىرا وتىرىپ جاريالادى. ول پرەمەر-مينيستر بولىپ سايلانباي تۇرىپ-اق ايتقان بۇل مالىمدەمە وپپوزيتسيانىڭ يسيبانى كونستيتۋتسيانى بۇزدى دەپ ايىپتاۋىنا سەبەپ بولدى.

بۇعان دەيىن 27-قىركۇيەكتە جاپونيانىڭ ليبەرالدى-دەموكراتيالىق پارتياسىنىڭ (ل د پ) ءتوراعاسى سايلاۋىندا 67 جاستاعى يسيبا سيگەرۋ جەڭىسكە جەتكەنىن حابارلاعان بولاتىنبىز.

اۆتور
ەركەجان سماعۇلوۆا