سىنىپ جەتەكشىسىنىڭ نەگىزگى مىندەتىنە نە كىرەدى

استانا. KAZINFORM - ەلىمىزدە ءپان مۇعالىمدەرى وقۋشىلارعا ساباق بەرىپ قانا قويماي، سىنىپقا جەتەكشىلىك ەتۋدى دە قاتار الىپ جۇرەدى. ولاي بولسا، سىنىپقا جەتەكشىلىك جاساعاندارعا قانداي مىندەت جۇكتەلەدى؟ وعان تولەنەتىن ۇستەماقى كولەمى قانشا؟

BAQ. KZ ءتىلشىسى سىنىپ جەتەكشىسىنىڭ زاڭدا كورسەتىلگەن مىندەتتەرىنە شولۋ جاسادى.

سىنىپ جەتەكشىسىنىڭ قىزمەتى - ءبىلىم بەرۋ ۇيىمىنىڭ جارعىسى، ءبىلىم الۋشىلارعا ءبىلىم بەرۋدىڭ وزەكتى مىندەتتەرى، جاڭارتىلعان مازمۇنى، ءادىسناماسى، سونداي-اق تاربيە نىساندارى ەسكەرىلگەن تۇلعالىق باعدارلى ءتاسىل نەگىزىندە قۇرىلعان ماقساتقا ساي باعىتتالعان، جۇيەلى، جوسپارلانعان پروتسەسس.

سىنىپ جەتەكشىسى تاربيە جۇمىسىن ۇيىمداستىرۋ سالاسىندا ءتيىستى تەوريالىق جانە پراكتيكالىق ءبىلىمدى جانە وقىتۋ داعدىلارىن مەڭگەرىپ، ءبىلىم الۋشىلاردى جىگەرلەندىرىپ، ولارعا قولداۋ كورسەتىپ جانە بيىك ادامي مۇراتتارعا باعىتتايدى.

سىنىپ جەتەكشىسى ءبىلىم بەرۋ ۇيىمى باسشىسىنىڭ، ياعني ديرەكتوردىڭ بۇيرىعىمەن تاعايىندالادى.

ال سىنىپ جەتەكشىسى قىزمەتىن جوسپارلاۋدى جانە باقىلاۋدى جالپى ورتا ءبىلىم بەرۋ ۇيىمى باسشىسىنىڭ (ديرەكتورىنىڭ) تاربيە ءىسى جونىندەگى ورىنباسارى جۇزەگە اسىرادى.

سىنىپ جەتەكشىسىنىڭ مىندەتتەرى

سىنىپ جەتەكشىسى قىزمەتىنىڭ ماقساتى - بالالاردىڭ جان-جاقتى دامۋىن ىنتالاندىرۋ، وقۋشىلاردىڭ جەكە باسىنىڭ قالىپتاسۋى مەن دامۋىنا جاعداي جاساۋ، اتا-انالارمەن (باسقا دا زاڭدى وكىلدەرمەن) ءوزارا بايلانىس ورناتۋ جانە ولاردى وقۋ مەن تاربيە پروتسەسىنە تارتۋ.

1) سالاۋاتتى ءومىر سالتىنا ىنتالاندىرۋ؛

2) ازاماتتىق پەن پاتريوتيزمگە، ءوز وتانىن سۇيۋگە، تابيعاتتى قاستەرلەۋگە تاربيەلەۋ؛

3) وتباسى ارا-قاتىناسىن نىعايتۋ، ۇلكەندەرگە قۇرمەتپەن قاراۋعا تاربيەلەۋ؛

4) سىنىپتا دوستىق ورتانى، ءوزارا تۇسىنىستىكتى قۇرۋ؛

5) وقۋشىلاردىڭ جاۋاپكەرشىلىگىن ارتتىرىپ، ۇجىمدا جۇمىس ىستەي بىلۋگە ​​باۋلۋ؛

6) ءبىلىم الۋشىلاردىڭ ءومىر ءسۇرۋ جاعدايلارىن ءبىلۋ؛

7) اتا-انالار جينالىسىن وتكىزۋ (پەداگوگيكالىق كونسيليۋمدار، ترەنينگتەر، اڭگىمەلەر، اتا-انالارعا (باسقا دا زاڭدى وكىلدەرگە) ارنالعان كونسۋلتاتسيالار)؛

8) ءبىلىم الۋشىلاردىڭ وقۋ جەتىستىكتەرى جانە ىشكى ءتارتىپ ەرەجەلەرىن ساقتاۋ ماسەلەلەرى بويىنشا اتا-انالارمەن ءوزارا ارەكەتتەسۋ؛

9) اپتاسىنا ءبىر رەت سىنىپ ساعاتتارىن وتكىزۋ؛

10) ءبىلىم بەرۋ ۇيىمىنىڭ باسشىسىن (ديرەكتورىن) سىنىبىمەن تاربيە جۇمىسىنىڭ جاي-كۇيى تۋرالى حاباردار ەتۋ.

سىنىپ جەتەكشىسىنىڭ فۋنكسيالارى

1) ۇيىمداستىرۋشىلىق جانە ۇيلەستىرۋ فۋنكسيالارى:

سىنىپ جەتەكشىسىنىڭ جۇمىس جوسپارىن ازىرلەۋ؛

2) اناليتيكالىق فۋنكسيالار:

وقۋشىنىڭ جەكە ەرەكشەلىكتەرىن زەرتتەۋ؛

سىنىپتاعى وقۋشىلاردىڭ جالپى دامۋ ديناميكاسىن جانە ۇلگەرىم جاعدايىن تالداۋ.

3) كوممۋنيكاتسيالىق فۋنكتسيالار:

ءبىلىم الۋشىلار اراسىنداعى تۇلعاارالىق قاتىناستاردى رەتتەۋ؛

سىنىپتا جالپى قولايلى پسيحولوگيالىق كليماتتى قالىپتاستىرۋعا ىقپال ەتۋ؛

ءبىلىم الۋشىلاردىڭ كوممۋنيكاتيۆتى قاسيەتتەرىن قالىپتاستىرۋعا كومەكتەسۋ؛

مۇعالىمدەر، ءبىلىم الۋشىلار جانە اتا-انالار (باسقا دا زاڭدى وكىلدەر) اراسىنداعى ىنتىماقتاستىقتى دامىتۋ.

4) باقىلاۋ فۋنكسيالارى:

سىنىپتاعى ءبىلىم الۋشىلاردىڭ ۇلگەرىمىن، ساباققا قاتىسۋىن، سىرتقى كەلبەتىن، ەموتسيونالدىق-پسيحولوگيالىق جاعدايىن باقىلاۋ.

سىنىپ جەتەكشىسى ءوز فۋنكسيالارىنا سايكەس ءبىلىم الۋشىلارمەن جۇمىس جاساۋ فورمالارىن تاڭدايدى:

1) جەكە (اڭگىمەلەسۋلەر، كونسۋلتاتسيالار، ماسەلەلەردى شەشۋ جولدارىن بىرلەسىپ ىزدەۋ جانە ت. ب.)؛

2) توپتىق (شىعارماشىلىق بىرلەستىكتەر، ءوزىن-ءوزى باسقارۋ ورگاندارى جانە باسقالار)؛

3) ۇجىمدىق (كونكۋرستار، سپەكتاكلدەر، كونتسەرتتەر، جورىقتار، ميتينگىلەر، جارىستار جانە ت. ب.).

قاشىقتىق فورماتىندا وقۋ پروتسەسىن ۇيىمداستىرۋ كەزىندە اتا-انالاردى (باسقا دا زاڭدى وكىلدەردى) وقۋ پروتسەسى تۋرالى، ءبىلىم الۋشىلارمەن كەرى بايلانىس ورناتۋ تۋرالى، وقۋ بارىسى مەن وقۋ ناتيجەلەرى تۋرالى، ءبىلىم الۋشىلاردىڭ ءوز بەتىنشە جۇمىس ىستەۋىنە جاعداي جاساۋ قاجەتتىلىگى تۋرالى حابارلايدى.

سىنىپ جەتەكشىلىككە قانشا تەڭگە تولەنەدى

قازىر مۇعالىمدەر سىنىپ جەتەكشىلىگى ءۇشىن 10 مىڭ تەڭگە الادى.