سىنىپ جەتەكشىلەرىنىڭ جالاقىسى 30 پايىز ارتۋى مۇمكىن

استانا. قازاقپارات - قازاقستاندا 220 مىڭ مۇعالىم سىنىپ جەتەكشىلىگىن قوسا الىپ ءجۇر، دەپ حابارلايدى 24KZ.

بالا تاربيەسىنە تىكەلەي سەپتەسەتىن ۇستازداردىڭ جۇكتەمەسى دە، جاۋاپكەرشىلىك جۇگى دە وزگەلەرگە قاراعاندا الدەقايدا اۋىر. وسى سەبەپتەن سىنىپ جەتەكشىلىگى ءۇشىن تولەنەتىن اقىنى 0 -كە كوتەرۋ جوسپارلانىپ وتىر.

ۇكىمەت باسشىسى ولجاس بەكتەنوۆ ءماجىلىس دەپۋتاتتارى جولداعان ساۋالعا وسىلاي جاۋاپ بەردى. ال بۇل ۇسىنىسقا قاتىستى مۇعالىمدەردىڭ پىكىرى قانداي؟

شولپان سەمباي قىزى - №81 حالىقارالىق مامانداندىرىلعان مەكتەپ- گيمنازياسىنىڭ بەدەلدى ۇستازى. مۇعالىمدىك ەڭبەك ءوتىلى - 38 جىل. سوڭعى 26 جىلىن سىنىپ جەتەكشىلىگىنە ارناپ كەلە جاتىر. قازىر قاناتىنىڭ استىنداعى 9 «ا» سىنىبى - ءوزى تۇلەپ ۇشىرعالى جاتقان وقۋشىلاردىڭ جەتىنشى بۋىنى.

«سوندىقتان بۇل جۇمىستىڭ بەينەتىن دە زەينەتىن دە جاقسى بىلەمىن»، - دەيدى ول.

شولپان وماروۆا، №81 حالىقارالىق مامانداندىرىلعان مەكتەپ-گيمنازياسىنىڭ مۇعالىمى:

- تاڭەرتەڭ ەرتە مەكتەپكە ءۇش ادام كىرسە، ونىڭ ەكەۋى - سىنىپ جەتەكشىسى. ءپان مۇعالىمىمەن دە، اتا-انامەن دە، اكىمشىلىكپەن دە - بارلىعىمەن ءتىل تابىسا بىلەتىن وسى سىنىپ جەتەكشىسى. ارينە، ادام بولعاننان كەيىن ءبىز ەڭبەك ەتۋ ءۇشىن ءومىر ءسۇرىپ جاتقانىمىز جوق، ءومىر ءسۇرۋ ءۇشىن ەڭبەك ەتىپ جاتىرمىز. سولاي ما؟ سوندىقتان دا ءبىزدىڭ ماتەريالدىق جاعىمىز جاقسى بولسا، ۇستازدارعا دەگەن قۇرمەت ارتسا، اتا-انا بولسىن، قاي جاقتان بولسىن، ارينە، ۇستازداردىڭ بەدەلى دە ارتادى، ابىرويى دا ارتادى.

شولپان سەمباي قىزى بۇعان دەيىن بالالارمەن نە اتا-انالارمەن ارادا تۇسىنىسپەۋشىلىك بولماعانىن ايتادى. ماماندىعى پەداگوگ-پسيحولوگ بولعاندىقتان، سىن-ەسكەرتپەنى جايلاپ جەتكىزىپ، ءار تاراپ ءۇشىن ماسەلەنىڭ ۇتىمدى شەشىمىن تابۋعا تىرىسادى. بۇعان بويىنداعى بار كۇش-قۋات سارپ ەتەتىنىن دە جاسىرمادى.

قىركۇيەكتە ءبىر توپ ءماجىلىس دەپۋتاتى جاسوسپىرىمدەردىڭ دەسترۋكتيۆتى ارەكەتتەردەن ساقتاۋ ءۇشىن بۇگىندە قانداي امال قولدانىلىپ جاتقانىن سۇراپ، ۇكىمەت باسشىسىنا ساۋال جولداعان ەدى. پرەمەر-مينيستر ولجاس بەكتەنوۆتىڭ جاۋابىندا سىنىپ جەتەكشىلىگىن الىپ جۇرگەن 220 مىڭ ۇستازدىڭ تولەماقىسىن 0- كە ارتتىرۋ كوزدەلگەنىن كەلتىرەدى. مەكتەپ اكىمشىلىگى بۇل باستامانى قولدايتىنىن جەتكىزدى.

توعجان قارتايەۆا، №81 حالىقارالىق مامانداندىرىلعان مەكتەپ-گيمنازياسىنىڭ ديرەكتورى:

- ءيا، سىنىپ جەتەكشىلىگى ءۇشىن تولەنەتىن اقى ماردىمسىز. ءبىراق سوعان قاراماستان ۇستازدار بۇل قىزمەتىن مۇلتىكسىز اتقارۋعا بارىن سالادى. سوندىقتان ەڭبەك جولىندا قانداي قيىندىق تۋىنداماسىن، ونى ەڭسەرە ءبىلۋىمىز قاجەت. سەبەبى قارا دا، دانا دا، پاتشا دا ۇستازدىڭ تاربيەسىن كورەدى.

24.kz