سينوپتيكتەر قازاقستاننىڭ ءبىرقاتار وڭىرىندە اۋا رايىنا بايلانىستى ەسكەرتۋ جاريالادى
08:47, 03 - ناۋرىز 2024
استانا مەن 6 وبلىستا اۋا رايىنا بايلانىستى ەسكەرتۋ جاريالاندى، دەپ حابارلايدى «قازگيدرومەت» ر م ك- سى.
كاسىپورىن تاراتقان دەرەكتەرگە قاراعاندا،3-ناۋرىز كۇنى استانا مەن باتىس قازاقستان وبلىسىندا تۇمان تۇسەدى.
سولتۇستىك قازاقستان وبلىسىندا قار جاۋىپ، بۇرقاسىن سوعادى.
اقمولا وبلىسىندا جاياۋ بۇرقاسىن سوعىپ، تۇمان تۇسەدى.
جەتىسۋ وبلىسىندا تۇمان ءتۇسىپ، ەكپىندى جەل سوعادى.
تۇركىستان وبلىسىندا ەكپىندى جەل سوعىپ، جاۋىن جاۋادى.
وسكەمەن مەن ريددەردە جايسىز مەتەورولوگيالىق جاعدايلار قالىپتاسۋ ىقتيمالدىلىعىنا بايلانىستى ەكىنشى دارەجەلى ەسكەرتۋ جاريالاندى.