سينوپتيكتەر ەلىمىزدىڭ ەكى وبلىسىنداعى وزەندەردە سۋ دەڭگەيى كوتەرىلەتىنىن ەسكەرتتى

استانا. KAZINFORM - سينوپتيكتەر ەلىمىزدىڭ ەكى وبلىسىنداعى وزەندەردە سۋ دەڭگەيى كوتەرىلەتىنىن ەسكەرتتى.

اقمولا وبلىسى قالقۇتان وزەنىنىڭ گيدرولوگيالىق ستانساسى - قالقۇتان اۋىلىندا سۋ دەڭگەيى كوتەرىلىپ، مۇز جىلجىپ جاتىر.

ساعات 12-دەگى جاعداي بويىنشا سۋ دەڭگەيى كريتيكالىق دەڭگەيدەن 1 س م (كريتيكالىق دەڭگەي - 630 س م) استى. وزەندەگى سۋ دەڭگەيىنىڭ كوتەرىلۋى قار جامىلعىسىنىڭ قارقىندى ەرۋىنەن، سايلاردان كەلەتىن اعىندى سۋلاردان، بۇيىرلىك اعىنمەن جانە وزەن ارناسىنىڭ جوعارى اعىس بولىگىنەن كەلەتىن اعىنمەن بايلانىستى.

مۇز قۇبىلىستارىنىڭ اسەرىنەن (مۇز جۇرۋ، مۇز كەپتەلىسى) سۋ دەڭگەيى ودان ءارى كوتەرىلىپ، سۋ وزەن جاعاسىنا شىعۋى مۇمكىن. سۋ دەڭگەيى قاۋىپتى دەڭگەيدەن اسسا دا، سۋدىڭ جايىلۋى بايقالمادى. قاۋىپتى دەڭگەيدەن اسقان كەزدە اۋىلدىڭ وزىندە جانە اعىسى بويىنشا تومەن ورنالاسقان، سونداي- اق وزەننىڭ جايىلمالى ۋچاسكەلەرىندە ورنالاسقان ەلدى مەكەندەردى، شارۋاشىلىق قۇرىلىستار مەن جەرگىلىكتى ماڭىزى بار جولداردى سۋ باسۋ قاۋپى ساقتالادى.

جۋراۆليەۆكا اۋىلى - باقسۇق وزەنى گيدرولوگيالىق بەكەتىندە مۇز ءجۇرۋ اسەرىنەن سۋ دەڭگەيىنىڭ كوتەرىلۋى جالعاسۋدا (4 ساعات ىشىندە 77 س م). ساع. 20 جاعداي بويىنشا سۋ دەڭگەيى قاۋىپتى دەڭگەيدەن 48 س م استى (قاۋىپتى دەڭگەي - 690 س م) سۋ نىسانىنىڭ كۇيى - بەكەتتەن جوعارى جانە تومەن مۇز كەپتەلىسى، مۇزدىڭ ءجۇرۋى.

قار جامىلعىسىنىڭ قارقىندى ەرۋىنەن، وزەن ارناسىنىڭ جوعارىداعى، بۇيىرلىك اعىن جانە جىلعالاردان ەرىگەن قار اعىنىنىڭ كەلۋىنەن وزەندەگى سۋدىڭ دەڭگەيى كوتەرىلدى. مۇز قۇبىلىستارىنىڭ اسەرىنەن (مۇز جۇرۋ، مۇز كەپتەلىسى) سۋ دەڭگەيى ودان ءارى كوتەرىلىپ، سۋ وزەن جاعاسىنان شىعۋى مۇمكىن. سۋ دەڭگەيى قاۋىپتى دەڭگەيدەن اسسا دا، سۋدىڭ جايىلۋى بايقالمادى. قاۋىپتى دەڭگەيدەن اسقان كەزدە اۋىلدىڭ وزىندە جانە اعىسى بويىنشا تومەن ورنالاسقان، سونداي-اق وزەننىڭ جايىلمالى ۋچاسكەلەرىندە ورنالاسقان ەلدى مەكەندەردى، شارۋاشىلىق قۇرىلىستار مەن جەرگىلىكتى ماڭىزى بار جولداردى سۋ باسۋ قاۋپى ساقتالادى.

قوستاناي وبلىسىندا 10-12-ءساۋىر ارالىعىندا جاڭبىر تۇرىندەگى جاۋىن-شاشىن بولجامىنا بايلانىستى ەرىگەن قار اعىنىنىڭ قارقىندى قالىپتاسۋى، سونىمەن قاتار وبلىستىڭ سولتۇستىگى مەن شىعىسىنداعى وزەندەردە سۋ دەڭگەيىنىڭ كوتەرىلۋى جالعاسادى. سۋ دەڭگەيىنىڭ قاۋىپتى دەڭگەيدەن اسىپ كەتۋى جانە وزەن جاعاسىنان شىعۋى مۇمكىن. بۇل رەتتە اۆتوجولداردى، ەلدى مەكەندەردى جانە شارۋاشىلىق قۇرىلىستاردى سۋ باسۋ قاۋپى بار.